Մահացել է ԱՍԱԼԱ-ի մարտիկ Վարուժան Կարապետյանը

ԵՐԵՎԱՆ, 29 հունվարի. /Նովոստի–Արմենիա/. Հայաստանում 65 տարեկան հասակում մահացել է ԱՍԱԼԱ-ի մարտիկ Վարուժան Կարապետյանը։ Այս մասին «Արեւելք»-ին հայտնել են հանգուցյալի մերձավորները։

Վարուժան Կարապետյանը 80-ականների սկզբին ղեկավարել է Հայաստանի Ազատագրության հայ գաղտնի բանակի Ֆրանսիայի շրջանի մարմինը։ 1983 թվականին Փարիզի «Օռլի» օդանավակայանում կազմակերպած պայթյունից հետո նա ձերբակալվել է և Փարիզում կայացած դատավարության ավարտին դատապարտվել ցմահ ազատազրկման:

Բանտարկությունից 17 տարի անց և հայկական կողմի դիմումներին ընդառաջելով` պաշտոնական Փարիզը 2011 թվականին ազատ է արձակել նրան։ Կարապետյանն արտաքսվել է Հայաստան։ -0-