Հայաստանը վերջին անգամ գնաց զիջումների աջակողմյան ղեկով ավտոմեքենաների վարորդներին

ԵՐԵՎԱՆ, 6 դեկտեմբերի. /Նովոստի–Արմենիա/. Հայաստանի կառավարությունը հինգշաբթի նիստում որոշում ընդունեց աջակողմյան ղեկով ավտոմեքենաների ներկրումը թույլատրող որոշում:

Հայաստանում 2018 թվականի ապրիլի 1–ից գործում է աջակողմյան ղեկով մեքենաների ներկրումն արգելող օրենք, որն ի սկզբանե տարածվում էր մինչև 2018 թվականի հոկտեմբերի 1–ը։


Ինչպես նշեց տրանսպորտի և տեղեկատվական տեխնոլոգիաների փոխնախարար Բագրատ Բադալյանը, ավտոմեքենաները կներկրվեն «ներքին սպառման համար վերամշակման» ռեժիմով։
«Ծրագրվում է, որ ընդունված որոշման շրջանակում Հայաստան կարելի կլինի ներկրել բոլոր աջ ղեկով ավտոմեքենաները, որոնք արդեն կուտակվել են մաքսակետերում»,– ասաց Բադալյանը։

Նա միաժամանակ նշեց, որ որոշումը կտարածվի մինչև 2019 թվականի մարտի 1–ը երկիր ներկրվող աջ ղեկով ավտոմեքենաները։


Նրա խոսքով, այդ մեքենաների տերերը դրանց ներկրումից հետո վեց ամիսների ընթացքում պետք է փողեն ղեկի տեղը և կարող են հանգիստ շահագործել մեքենաները երկրում։

Ինչպես այս կապակցությամբ նշեց առաջին փոխվարչապետի պաշտոնակատար Արարատ Միրզոյանը, աջ ղեկով մեքենաների ներկրման ժամկետների երկարացման որոշումն ընդունվում է վերջին անգամ, և կառավարությունն այլևս այս հարցին չի վերադառնա։

Հայաստանի խորհրդարանը 2018 թվականի մարտի 1–ին երկրորդ և վերջնական ընթերցմամբ ընդունեց աջ ղեկով ավտոմեքենաների ներկրման ժամանակավոր արգելքի վերաբերյալ օրինագիծ։

Օրենքում նշվում է, որ այս դրույթը ժամանակավոր է և տարածվում է 2018 թվականի ապրիլի 1–ից մինչև 2018 թվականի հոկտեմբերի 1–ն ընկած ժամանակահատվածի վրա, դրանից հետո ներկրումը, միևնույն է, կարգելվի։ Ներքին օգտագործման նպատակներով ներկրման ժամանակավոր սահմանափակումը կատարվում է բացառապես այն պատճառով, որ այդ ժամկետից հետո ուժի մեջ կմտնեն ԵՏՄ ընդհանուր կանոնակարգեր, որոն նույնպես կկարգավորեն աջակողմյան ղեկով ավտոմեքենաների հարցերը։ -0-