ԵՐԵՎԱՆ, 9 փետրվարի. /Նովոստի–Արմենիա/. Հայաստանի խորհրդարանն ուրբաթ նիստում առաջին ընթերցմամբ ընդունեց աջակողմյան ղեկով ավտոմեքենաների ներկրման ժամանակավոր արգելքի մասին օրինագիծը։
Օրինագիծը ներկայացնելից` Հայաստանի տրանսպորտի, կապի և տեղեկատվական տեխնոլոգիաների նախարարի տեղակալ Գագիկ Գրիգորյանը, Հայաստանի օրենսդրության համաձայն, երկրում սահմանված է աջակողմյան տրանսպորտային երթևեկություն։
Նա հիշեցրեց, որ այդ կապակցությամբ երկրի ճանապարհային երթևեկության կանոնները սահմանվել են ձախակողմյան կառավարմամբ տրանսպորտային միջոցներին համապատասխան, բացի այդ, տեխնիկական բոլոր միջոցները, ճանապարհային նշանները, գծանշումները, լուսացույցները տեղադրված են` հաշվի առնելով ձախ ղեկով ավտոմեքենաների վարորդների տեսանելիության և ընկալման գործոնը։
Ըստ նրա, 2017 թվականի ընթացքում գրանցվել է աջակողմյան ղեկով ավտոմեքենաների ներկրման կտրուկ աճ, ինչը լուրջ սպառնալիք է ճանապարհային երթևեկության համար։
Загружается новость ... "Лево"
«Աջակողմյան ավտոմեքենաների վարելը ռիսկային է ճանապարհային երթևեկության անվտանգության տեսանկյունից, ինչի կապակցությամբ անհրաժեշտություն է առաջանում արգելել աջ ղեկով տրանսպորտային միջոցների ներկրումը»,– ասաց Գրիգորյանը։
Միաժամանակ փոխնախարարը պարզաբանեց, որ թեև օրենքում նախատեսված է, որ տվյալ դրույքը ժամանակավոր է և տարածվում է 2018 թվականի ապրիլի 1–ից մինչև 2018 թվականի հոկտեմբերի 1–ն ընկած ժամանակահատվածի վրա, դրանից հետո ներկրումը, միևնույն է, կարգելվի։
Փոխնախարարը միաժամանակ ընդգծեց, որ օրինագծի որոշ դրույթներ վերանայվել են, և հանվել է ներքին շրջանառման սահմանափակումը, այդ թվում աջ ղեկով մեքենաների վրա։
Ինչպես նշեց տնտեսական հարցերի հանձնաժողովի նախագահ Գագիկ Մելիքյանը, երկրում շատերն աջակողման կառավարմամբ մեքենաներ են ներկրում դրանց ցածր գնի պատճառով։
Միաժամանակ նա նշեց, որ ցածր գինը դեռ չի նշանակում, որ դրանք անվտանգ են։ Այդ հնացած մեքենաների տերերը պետք է վճարեն դրանց ուտիլիզացման համար, և որ սեփական միջոցները չծախսեն, նրանք նախընտրում են ցածր գնով իրացնել այդ մեքենաներն այլ երկրներ, օրինակ, Հայաստան։
Պատգամավորները միաժամանակ կարծիք են հայտնել, որ նման արգելքը կարող է հանգեցնել նրան, որ Հայաստանի բնակիչները, ելնելով սեփական տնտեսական վիճակից և սոցիալական դրությունից, կսկսեն ավելի հին թողարկման ձախակողմյան ղեկով մեքենաներ ներկրել։ -0-
