ԵՐԵՎԱՆ, 16 մարտի. /Նովոստի-Արմենիա/. Հայաստանը պետք է նոր շեշտադրումներ անի զբոսաշրջային ճյուղի զարգացման ոլորտում, նախօրեին ասաց վարչապետի գլխավոր խորհրդական Արսեն Գասպարյանը «Զբոսաշրջությունը և կինոինդուստրիան` գործակցության հեռանկարները» համաժողովում:
«Հայաստանը ոչ միայն թանգարան է բաց երկնքի տակ, թավշյա հեղափոխությունը երկիրը վերադարձրել է միջազգային մամուլի օրակարգ, ցույց է տվել երևանյան երիտասարդության ակտիվ կյանքը, և եկել է ժամանակը կյանքի կոչել 2018 թվականի բոլոր նվաճումները»,- ասաց Գասպարյանը:
Նա նշեց, որ կառավարությունը դեռևս 2018 թվականից նախաձեռնել է գործակցություն մասնավոր հատվածի հետ տարբեր ոլորտներում, այդ թվում զբոսաշրջության մասով:
Վարչապետի խորհրդականը կարևորել է ոլորտի խթանումը կայունության, համայնքների բարեկեցության և զարգացման տեսանկյունից, հատկապես հաշվի առնելով, որ զբոսաշրջության մասնաբաժինը ՀՆԱ-ում կազմում է 12 տոկոս:
Գասպարյանի խոսքով, հիմնական շեշտը պետք է դնել էկոզբոսաշրջության, կրոնական զբոսաշրջության և ՏՏ-զբոսաշրջության վրա:
Նա նշեց, որ ԱՄՆ-ի բնակչության մեծամասնությունը բողոքականներ են, որոնք ակտիվ ճանապարհորդում են աշխարհում և մեծ գումարներ ծախսում: Նրա խոսքով, կրոնական և մշակութային ժառանգության ճիշտ մատուցման դեպքում կարելի է այդ հոսքն ուղղել Հայաստան: -0-
Ծանոթացեք լուրերին առաջինն ու քննարկեք դրանք մեր Telegram-յան ալիքում
