ԵՐԵՎԱՆ, 13 հունիսի./Նովոստի–Արմենիա/. Հայաստանի սնանկության դատարանի դատավոր Արմեն Խաչատրյանը հինգշաբթի Բարձրագույն դատական խորհրդի անդամի պաշտոնից հրաժարականի դիմում է ներկայացրել։
«Հայաստանի Հանրապետության դատական օրենքսգիրք» սահմնադրական օրենքի 86 հոդվածի 1–ին մասի 5–րդ կետի և նույն հոդվածի 2–րդ մասի համաձայն խնդրում եմ ընդունել իմ, որպես Բարձրագույն դատական խորհրդի անդամի, հրաժարականը` խորհրդի անդամի իմ լիազորությունները դադարած համարելով ս.թ. հունիսի 14–ից»,– նշվում է ԲԴԽ կայքում տեղադրված նրա հայտարարությունում։
Խաչատրյանը նաև նշել է, որ նպատակահարմար չի համարում մասնակցել Բարձրագույն դատական խորհրդի նիստում սույն հրաժարականի քննարկմանը։
«Հայտնում եմ նաև, որ որպես դատավոր շարունակելու եմ իմ հնարավորության սահմաններում աջակցել դատաիրավական բարեփոխումների գործընթացին մեր երկրի համար կարևորագույն այս ժամանակաշրջանում»,– նշել է նա։
Այս տարվա հունիսի 7–ին
Գևորգ Դանիելյանը հրաժարական է տվել ԲԴԽ նախագահի ժամանակավոր պաշտոնակատարի պաշտոնից։ Այդ մասին նա հայտնել է իր Facebook–ում։ Նախօրեին` հունիսի 12–ին, ԲԴԽ նոր ժամանակավոր պաշտոնակատար է նշանակվել
Սերգեյ Չիչոյանը։ -0-