ԵՐԵՎԱՆ, 19 հունիսի./Նովոստի–Արմենիա/. Դատախազ Պետրոս Պետրոսյանը չորեքշաբթի Վերաքննիչ դատարանին Հայաստանի երկրորդ նախագահ Ռոբերտ Քոչարյանին Արցախի գործող և նախկին նախագահների անձնական երաշխավորությամբ ազատ արձակելու` առաջին ատյանի դատարանի որոշումը չեղարկելու միջնորդություն է ներկայացրել։
Հայաստանի գլխավոր դատախազությունը մայիսի 31–ին վերաքննիչ բողոք է ներկայացրել Հայաստանի երկրորդ նախագահ Ռոբերտ Քոչարյանի և մյուս պաշտոնատար անձանց գործով Երևանի ընդհանուր իրավասության դատարանի երկու որոշումների վերաբերյալ։
Մասնավորապես, բողոքը վերաբերում է Ռոբերտ Քոչարյանին Արցախի գործող և նախկին նախագահների անձնական երաշխավորությամբ ազատելու որոշմանը և այս տարվա մայիսի 20–ին դատարանի` տվյալ գործով դատական վարույթի դադարեցման նպատակով Սահմանադրական դատարան դիմելու որոշմանը։
Պաշտպանությունն արդեն դատական լսման սկզբից դատավոր Արմեն Դանիելյանի ինքնաբացարկի չորս միջնորդություն է ներկայացրել` հղում անելով նրա ոչ կոմպետենտությանը և հնարավոր կողմնակալությանը։ Հունիսի 18–ին ինքնքբացարկի միջնորդություն են ներկայացրել նաև մարտի 1–ի իրադարձություններում տուժած կողմի շահերը ներկայացնող փաստաբանները։
Դանիելյանը Վերաքննչի դատարանի նիստում չորեքշաբթի մերժել է ինքնաբացարկի հերթական միջնորդությունը` դիմումն անհիմն համարելով։
Загружается новость ... "Лево"
«Մենք ավելի վաղ առաջին ատյանի դատարանում ինքնաբացարկի միջնորդությամբ ենք դիմել` կասկած արտահայտելով դատավորի անկախության և անկողմնակալության վերաբերյալ։ Հետևաբար, նրա ընդունած որոշումները չեն կարող լեգիտիմ լինել»,– ասաց Պետրոսյանը։
Պետրոսյանը նշեց նաև, որ դատարանն ուշադրություն չի դարձրել գործի բարդությանը, տասը տարի առաջ կատարված առանձնապես ծանր հանցագործությունների բացահայտման բարդությանը, և ապացույցներ հավաքող մարմնի գործունեությանը։
«Այն փաստին, որ, մեղադրանքի կողմի համաձայն, կյանքից զրկվել է առնվազն տասը մարդ, ուշադրություն չի դարձվել»,– ասաց Պետրոսյանը։
Դատախազի խոսքով, առաջին ատյանի դատարանում փորձեր են արվել կեղծել ապացույցները։ -0-