ԵՐԵՎԱՆ, 17 մայիսի. /Նովոստի–Արմենիա/. Արցախի նախագահ Բակո Սահակյանը Հայաստանի վարչապետ Նիկոլ Փաշինյանի հետ նախապես քննարկել է երաշխավորության հարցը Ռոբերտ Քոչարյանի գործով, գրում է «Ժողովուրդ» թերթը։
Պարբերականը, հղում անելով սեփական աղբյուրներին, նշում է, որ Արցախի ներկա և նախկին նախագահներ Բակո Սահակյանի և Արկադի Ղուկասյանի երաշխավորությունները Քոչարյանի խափանման միջոցը փոխելու առնչությամբ հետաքրքիր նախապատմություն ունեն։
«Նախկին նախագահ Ղուկասյանն ինքն է առաջարկել Բակո Սահակյանին նման միջնորդություն ներկայացնել։ Վերջինս էլ մինչ համաձայնություն տալն այդ հարցը քննարկել է Հայաստանի վարչապետ Նիկոլ Փաշինյանի հետ, ով ասել է, թե ինքը մարդկայնորեն հասկանում է»,– ասվում է գրառման մեջ։
Загружается новость ...
"Право"
Հրապարակման մեջ նշվում է, որ պարբերականի հետ զրույցում Արցախի նախագահի աշխատակազմի տեղեկատվության գլխավոր վարչության պետ Դավիթ Բաբայանն անդրադարձել է այս թեմային։
«Ուզում եմ սա դիտարկենք որպես մարդասիրական քայլ»,– ասել է նա, նշելով, որ քանի որ, եթե չեն տեղեկացնում, ապա դա արդեն այլ խնդիր է։
Մայիսի 13–ից ընդհանուր իրավասության դատարանը քննում է Հայաստանի երկրորդ նախագահ Ռոբերտ Քոչարյանի խափանման միջոցը փոխելու հարցը։ Նախօրեին նիստն ավարտվել է, դատարանի որոշումը հայտնի կլինի մայիսի 18–ին։ -0-