ԵՐԵՎԱՆ, 19 դեկտեմբերի./Նովոստի-Արմենիա/. Քաղաքացիները, ազատամարտիկները և արցախյան պատերազմում զոհվածների հարազատները հավաքվել են Եռաբլուրում և չեն ցանկանում թույլ տալ ՀՀ վարչապետ Նիկոլ Փաշինյանի մուտքը պանթեոն:
Загружается новость ... "Лево"
Հավաքվածները վրդովված են, որ Փաշինյանը պատրաստվում է մասնակցել իշխանությունների կողմից կազմակերպվող հիշատակի երթին, որը Հանրապետության հրապարակից մեկնարկլու է դեպի Եռաբլուր:
«Մենք չպետք է այլևս լռենք, և թույլ չենք տա, որ Նիկոլ Փաշինյանը մեզ հետ հարգի մեր զոհված երեխաների հիշատակը: Եռաբլուր նա կմտնի միայն մեր դիակների վրայով»,- ասում են զոհված զինծառայողների հարազատները:
Մասնակիցները վճռականորեն են տրամադրված և չեն թաքցնում գործող իշխանություններից իրենց դժգոհությունը:
«Նիկոլ Փաշինյանը շարունակում է իրեն պահել որպես մի ծայրահեղական ընդդիմադիր. հարված է հասցնում պետականությանը, հասարակությանը, քանդում բոլոր քաղաքական և պետական ինստիտուտները և փորձում դրա հաշվին մնալ իր աթոռին»,- լրագրողներն հայտնել է Razm.info մասնագիտացված ռազմական կայքի կոորդինատոր Կարեն Վրթանեսյանը:
Հայաստանում և Արցախում դեկտեմբերի 19-ից եռօրյա սուգ է հայտարարվել՝ ի հիշատակ նահատակվածների պատերազմում, որն Ադրբեջանն ու Թուրքիան ձեռնարկել էին Արցախի ժողովրդի դեմ:
ՀՀ իշխանությունները շաբաթ օրը Հանրապետության հրապարակից երթ են նախաձեռնելու դեպի Եռաբլուր: Ընդդիմությունը որոշել է անցկացնել սեփական նմանատիպ միջոցառումը մեկ օր շուտ՝ Երևանի բնակիչները նախօրեին երեկոյան ջահերի երթ են կազմակերպել դեպի Եռաբլուր՝ պատվելու Հայրենիքի համար մղվող մարտերում նահատակված զինծառայողների հիշատակը:
Ամենայն Հայոց կաթողիկոս Գարեգին Երկրորդի հրամանով դեկտեմբերի 20-ին Սուրբ պատարագից հետո Հայաստանի բոլոր եկեղեցիներին կանցկացվի հիշատակի արարողություն՝ ի հիշատակ արցախյան պատերազմի հերոսների: -0-