ԵՐԵՎԱՆ, 12 սեպտեմբերի. /Նովոստի–Արմենիա/. Ազգային անվտանգության ծառայության և ոստիկանության պետերը զեկուցել են Հայաստանի վարչապետ Նիկոլ Փաշինյանին անցկացված ռեյդերի մասին, «Նովոստի–Արմենիա» գործակալությանը հայտնեց կառավարության ղեկավարի մամուլի քարտուղար Արման Եղոյանը։
Փաշինյանը նախօրեին հրահանգեց ԱԱԾ և ոստիկանության պետերին այս պահից ռեյդեր իրականացնել օլիգարխների և բարձրաստիճան պաշտոնյաների թիկնազորի դեմ։ Նա հանձնարարեց Ազգային անվտանգության ծառայությանը և ոստիկանությանն ամենակարճ ժամկետներում գտնել դավադրության կազմակերպիչներին և ենթարկել նրանց ամենախիստ պատասխանատվության։
«Այսպես կոչված թիկնազորին պառկեցնել ասֆալտին և զինաթափել բոլորին։ Երկու ժամ հետո, Արթուր Վանեցյան և Վալերի Օսիպյան, պետք է զեկուցեք ինձ կատարած աշխատանքի և արդյունքների մասին։ Ոչ ոք «չի պլստալու» արդարադատությունից»,– ասաց Փաշինյանը։
«Վարչապետին զեկուցվել է անցկացված ռեյդերի մասին հստակ և ժամանակին, իսկ մյուս մանրամասները կներկայացվեն ավելի ուշ»,– ասաց Եղոյանը։
Загружается новость ... "Лево"
Երեքշաբթի համացանցում հայտնվել է Ազգային անվտանգության ծառայության տնօրեն Արթուր Վանեցյանի ու Հատուկ քննչական ծառայության նախագահ Սասուն Խաչատրյանի հեռախոսազրույցի ձայնագրությունը, որտեղ նրանք քննարկել են մեծ հանրային հետաքրքրություն ներկայացնող քրեական գործերը, որոնք հարուցվել են Հայաստանի նախկին պետական պաշտոնյաների դեմ։ Մասնավորապես, նրանք խոսում են Հայաստանի երրորդ նախագահ Ռոբերտ Քոչարյանի հարցաքննման, ՀԱՊԿ գլխավոր քարտուղարի Յուրի Խաչատուրովի ձերբակալության ու նրա նկատմամբ մեղադրանք առաջադրելու վերաբերյալ։
Վանեցյանը հաստատել է տվյալ ձայնագրության իսկությունը և այն, որ ՀՔԾ ղեկավարի հետ զրույցում իրենք քննարկել են 2008 թվականի մարտի 1-2–ի քրեական գործին վերաբերող հարցեր։ -0-
