ԵՐԵՎԱՆ, 25 դեկտեմբերի․/Նովոստի–Արմենիա/․ Պետդումայի ԱՊՀ հարցերով կոմիտեի նախագահ Լեոնիդ Կալաշնիկովը
«Свободная пресса»–ին տված հարցազրույցում նշել է, որ Ռուսաստսնի համար հայ-ադրբեջանական հարցը երկար տարիներ ծանր է եղել, հատկապես, երբ Բաքուն սկսեց իր օպերացիան:
«Հիմա ինձ թվում է, որ Հայաստանին ու Ադրբեջանին իսկապես մեկ քայլ է մնացել խաղաղության համաձայնագրի ստորագրմանը», - կարծում է Կալաշնիկովը:
Նրա կարծիքով, պետք է պայմանավորվեին միայն երեք տարածաշրջանային հարևանները՝ Ադրբեջանը, Հայաստանը և Ռուսաստանը: Նա ընդգծել է, որ ի վերջո ամեն ինչ հասավ եռակողմ համաձայնագրի, «չնայած դրան հնարավոր էր հասնել առանց ռազմական գործողությունների»: Պատգամավորը վստահ է, որ Հայաստանին ձեռնտու է բացվել հենց հիմա, երբ երկիրը «տվել է Ղարաբաղը, և «այժմ սեղանին պետք չէ բռունցքով հարվածել»:
«Անհրաժեշտ է դրանից առավելագույնը քաղել: Սա վերաբերում է նաև բարիդրացիական հարաբերություններին Ադրբեջանի, Թուրքիայի հետ, նրանք չունեն այլ սահմաններ », - եզրափակել է Կալաշնիկովը:–0–
