ՀՀ–ում ջերմաստիճանը կբարձրանա 4–5 աստիճանով, սպասվում է քամու ուժգնացում

ԵՐԵՎԱՆ, 12 օգոստոսի./Նովոստի–Արմենիա/. Հայպետհիդրոմետը ներկայացնում է առաջիկա օրերի եղանակի կանխատեսումը։

Գերատեսչությունից զգուշացնում են, որ առաջիկա 5 օրերին հովտային և նախալեռնային շրջաններում սպասվում է բարձր կարգի հրդեհավտանգ իրավիճակ:

Հանրապետության տարածքում օգոստոսի 12-ի ցերեկը, 13-17-ը սպասվում է առանց տեղումների եղանակ: Քամին՝ հյուսիս-արևմտյան՝ 3-8 մ/վ: Երեկոյան ժամերին Կոտայքում, Արագածոտնի նախալեռներում և Արմավիրում սպասվում է քամու ուժգնացում՝ 15-20 մ/վ։ 

Օդի ջերմաստիճանն օգոստոսի 14-17-ի ցերեկը կբարձրանա 4-5 աստիճանով։ 

Մայրաքաղաք Երևանում օգոստոսի 12-ի ցերեկը, 13-17-ը սպասվում է առանց տեղումների եղանակ, երեկոյան ժամերին սպասվում է քամու ուժգնացում՝ 15-20 մ/վ։ Այսօր` օգոստոսի 12–ին, ցերեկային ժամերին սպասվում է +32...+34 աստիճան, գիշերը` +18...+20, երեքշաբթի` օգոստոսի 13–ին ցերեկը կանխատեսվում է +33...+35, գիշերը` +19...+21։–0–