ԵՐԵՎԱՆ, 18 հունիսի. /Նովոստի-Արմենիա/. ՎՏԲ-Հայաստան Բանկը Mastercard միջազգային վճարային համակարգի հետ համատեղ արդեն 7-րդ անգամ հայտարարում է «Անկանխիկ մարաթոն» ակցիայի մեկնարկի մասին՝ Mastercard վարկային և դեբետային քարտերի քարտապանների համար:
«Ակցիան մեկնարկեց 2019 թ.-ի հունիսի 15-ին ու կտևի մինչև 2019 թ.-ի սեպտեմբերի 15-ը ներառյալ, ինչի ընթացքում կատարելով անկանխիկ գործարքներ Հայաստանի Հանրապետության տարածքում և արտասահմանում, ինչպես նաև ինտերնետ միջավայրում ՎՏԲ-Հայաստան Բանկի դեբետային ու վարկային Mastercard Standard Unembossed, Standard ու Gold քարտերով՝ հաճախորդները ավտոմատ կերպով կկուտակեն բոնուսային միավորներ և կկարողանան փոխանակել դրանք արժեքավոր նվերներով», - նշվում է տարածած հաղորդագրությունում:
Բոնուսային միավորների կուտակման մեխանիզմը հետևյալն է. ՎՏԲ-Հայաստան Բանկի Mastercard քարտերով կատարված անկանխիկ վճարումների յուրաքանչյուր 1000 ՀՀ դրամի դիմաց կուտակվում է 1 բոնուսային միավոր: Անկանխիկ գործարքների նվազագույն գումարը, որի դիմաց կարող են կուտակվել բոնուսային միավորներ կազմում է 5000 ՀՀ դրամ, իսկ առավելագույն միավորները մեկ անկանխիկ գործարքի համար` 500 միավոր:
#անկանխիկմարաթոն ակցիայի մասնակիցները հնարավորություն ունեն ցանկացած ժամանակ ստուգել կուտակված բոնուսային միավորի քանակը ու փոխանակել կուտակված միավորները նվերներով հետևյալ http://gifts.vtb.am/am կայքում:
#անկանխիկմարաթոն ակցիայի մանրամասներին կարելի է ծանոթանալ Բանկի մասնաճյուղերում, www.vtb.am Բանկի պաշտոնական կայքում, ինչպես նաև՝ զանգահարելով ՎՏԲ-Հայաստան Բանկի Կոնտակտային կենտրոն՝ 87-87 հեռախոսահամարով:
«ՎՏԲ-Հայաստան Բանկ» ՓԲԸ–ն ՎՏԲ միջազգային ֆինանսական խմբի մասնակից է դարձել 2004թ. ապրիլին: «ՎՏԲ Բանկ» ԲԲԸ–ն «ՎՏԲ-Հայաստան Բանկ» ՓԲԸ–ի 100% բաժնետոմսերի փաթեթի միանձնյա բաժնետերն է։ Բանկը հիմնական ցուցանիշների մի ամբողջ շարքով մշտապես ներառվում է ՀՀ բանկային համակարգի առաջատարների թվի մեջ:–0–
