ԵՐԵՎԱՆ, 5 օգոստոսի. /Նովոստի–Արմենիա/. Հայտնի են պարտադիր ժամկետային զինծառայող, կրտսեր սերժանտ Վահան Վահեի Միքայելյանի հրազենային մահացու վիրավորում ստանալու հանգամանքները։
ՀՀ ՔԿ մամուլի ծառայության հաղորդմամբ, նախնական տվյալներով՝ կրտսեր սերժանտ Վահան Վահեի Միքայելյանը մահացու հրազենային վիրավորում է ստացել ձախ աչքի շրջանում 2016 թվականի օգոստոսի 4-ին՝ ժամը 09-ի սահմաններում, դիտակետում դիտորդի պարտականություններն իրականացնելիս՝ իրեն ամրակցված ինքնաձիգից:
Արցախի ՊԲ զինծառայող է զոհվել զորամասերից մեկի պահպանության տեղամասում>>
«Ձեռնարկվում են անհրաժեշտ քննչական գործողություններ՝ պարզելու զինծառայողի մահացու հրազենային վնասվածք ստանալու հանգամանքները, նշանակվել են փորձաքննություններ», – նշվում է հաղորդագրության մեջ։-0-
