ԵՐԵՎԱՆ, 17 օգոստոսի. /Նովոստի-Արմենիա/. Հայաստանի խորհրդարանի պատգամավոր, «Երկրապահ» կամավորական միության նախկին նախագահ Մանվել Գրիգորյանի կալանքի ժամկետն երկու ամսով երկարաձգվել է, այդ մասին «Նովոստի-Արմենիա» գործակալությանը հայտնեց ՀՀ գլխավոր դատախազության մամուլի ծառայության ղեկավար Արևիկ Խաչատրյանը:
«Քալանքի ժամկետն երկարաձգելու միջնորդությունը ներկայացրել է Հատուկ քննչական ծառայությունը, և դատարանը բավարարել է այն՝ երկարացնելով կալանք ժամկետն երկու ամսով», - ասաց Խաչատրյանը:
Հիշեցնենք, որ Գրիգորյանին մեղադրանք է առաջադրվել ՀՀ ՔՕ 235 հոդվածի 1-ին եւ 2-րդ կետերով (ապօրինի կերպով զենք ռազմամթերք ձեռք բերելը կրել կամ փոխադրելը, որը կատարվել է մի խումբ անձանց կողմից նախնական համաձայնությամբ) ինչպես նաեւ ՀՀ ՔՕ 179 հոդվածի 3-րդ մասի 1-ին կետով (մի խումբ անձանց հետ նախնական համաձայնությամբ յուրացման եղանակով իր վստահությանը հանձնված առանձնապես խոշոր չափերով ուրիշի գույք հափշտակություն):–0–
