Հայ-իրանական սահմանում թմրանյութերի մաքսանենգության փորձ է կասեցվել

ԵՐԵՎԱՆ, 2 հուլիսի. /Նովոստի-Արմենիա/. Անցած հանգստյան օրերին Հայաստանի Հանրապետությունում Ռուսաստանի ԱԴԾ Սահմանապահ վարչության աշխատակիցները Հայաստանի Պետական եկամուտների կոմիտեի գործընկերների հետ միասին կասեցրել են թմրանյութերի մաքսանենգության փորձը հանրապետության տարածք։

Ինչպես հայտնում է ՀՀ-ում ՌԴ ԱԴԾ Սահմանապահ վարչության մամուլի ծառայությունը, դեպքը տեղի է ունեցել «Ագարակ» անցակետում (Սյունիքի մարզ):

Ըստ աղբյուրի, Իրանից ժամանած անձանց ստուգման ժամանակ ՀՀ քաղաքացու մոտ հայտնաբերվել է սպիտակ գույնի բյուրեղանման նյութ ցելոֆանե փաթեթում, ենթադրաբար՝ «մետամֆետամին», ավելի քան 190 գրամ քաշով։

Ներկայում Հայաստանի Հանրապետության իրավասու մարմիններն իրականացնում են միջոցառումների համալիր հանցագործության կատարման բոլոր հանգամանքները պարզելու համար։-0-