ԵՐԵՎԱՆ, 20 դեկտեմբերի. /Նովոստի Արմենիա/. Միջերկրական ծովի շրջաններից արևադարձային տաք օդային հոսանքների ներհոսքը հանրապետության տարածք շարունակվում է, հայտնել է ԱԻՆ Հիդրոմետ ծառայության օդերևութաբանական կանխատեսումների բաժնի պետ Գագիկ Սուրենյանը:
Ըստ նրա, առաջիկա գիշերը օդի ջերմաստիճանը բոլոր մարզերում կբարձրանա ևս 4-5 աստիճանով և մինչև դեկտեմբերի 25-ը ձևավորված բարձր ջերմային ֆոնը կպահպանվի։
«Օդի ջերմաստիճանը կլիմայական նորմայից բարձր կլինի 8-10 աստիճանով, որը կոչվում է տաք օդի ալիք կամ կլիմայական անոմալիա», - գրել է նա Facebook–ի իր էջում։
Ըստ Հայհիդրոմետկենտրոնի տվյալների, դեկտեմբերի 20-ի ցերեկը, 21-ի գիշերը, 22-ի ցերեկը, 23-24-ը, 25-ի գիշերը շրջանների զգալի մասում, 25-ի ցերեկը Վայոց Ձորում, Սյունիքում և Արցախում ժամանակ առ ժամանակ սպասվում են տեղումներ:
Քամին՝ հարավ-արևմտյան՝ 3-8 մ/վ, 20-24-ն առանձին շրջաններում սպասվում է քամու ուժգնացում՝ 20-25 մ/վ:
Օդի ջերմաստիճանը 21-ի գիշերը կբարձրանա 4-5 աստիճանով:
Երևանում դեկտեմբերի 21-ին օդի ջերմաստիճանը կբարձրանա 8-10 աստիճանով, իսկ հաջորդ չորս օրերի ընթացքում կնվազի 6-8 աստիճանով: -0-