ԵՐԵՎԱՆ, 25 մայիսի./Նովոստի–Արմենիա/. ՀՀ ԿԳ նախարար Արայիկ Հարությունյանը ծիծաղել է իր աշխատանքը քննադատող ծաղրանկարի վրա, ինչպես նաև խոստացել է փարատել «Այբի» ներկայացուցիչների մտահոգությունները։
Загружается новость ... "Лево"
«Շատ լավ ծաղրանկար է։ Այբի սիրելի ժողովուրդ, գիտեմ, որ սա Դուք եք պատրաստել, բայց սխալ տեղեկատվության հիման վրա։ Նախարարությունում քննարկվել է բացառապես պատուհանից Ձեր կողմից նետված երիտասարդի գաղափարները, ինչի մասին բազմիցս հայտարարել եմ։ 12-ամյան փակելը ֆեյքերի տարածածն էր, Ձեզ այս քննարկումների մեջ ներգրավողին պետք է փնտրել Ձեր շրջապատում։ Կոչ եմ անում էդ սադրանքներին չտրվել։ Ես երեք օր է Հայաստանում չեմ, առաջիկա օրերին պատրաստ եմ հադիպել Ձեր հետ ու փարատել Ձեր մտահոգությունները։ Հանդիպելու եմ նաև Արարատյան բակալավրիատի մասնագետների հետ, միասին շատ անելիք ունենք։ Դուխներդ չգցեք, տեսնում եմ, որ կան մարդիկ, ովքեր ուզում են գցել այն։ Դուխով», – գրել է Հարությունյանը Facebook–յան իր էջում։
Նշենք, որ Հարությունյանը գտնվում է Փարիզում, որտեղ մասնակցում է մայիսի 23-25-ը կայանալիք Եվրոպական բարձրագույն կրթական տարածքի (ԵԲԿՏ) 10-րդ նախարարական գագաթնաժողովին և Բոլոնիայի գործընթացի 5-րդ քաղաքական համաժողովին:
Մայիսի 20–ին Հարությունյանը հայտարարել էր, որ Հայաստանի կրթության և գիտության նախարարությունը չի օժանդակելու էլիտար դպրոցներին, «մասնավոր դպրոցները հարյուր միլիոնավոր դրամներ չեն ստանալու»։ Դրանից հետո նախարարը հանձնարարել էր կազմակերպել Արարատյան բակալավրիատի ֆինանսական աուդիտ, որը ևս հովանավորվում է «Այբ» հիմնադրամի կողմից։ Այս ամենը բուռն քննարկումներ էր առաջացրել սոցցանցերում։–0–