ԵՐԵՎԱՆ, 28 փետրվարի. /Նովոստի–Արմենիա/. Իշխանության ներկայացուցիչները հերթական անգամ կրակն են ընկել ՀՀ առողջապահության նախարար Լևոն Ալթունյանի որոշումների պատճառով, գրում է «Ժողովուրդ» օրաթերթը։
Загружается новость ... "Лево"
«Արգելված վայրերում ծխելու համար նախատեսված մեծ չափի տուգանքների թեման մի կերպ «սղացնելուց» հետո այժմ ՀՀԿ-անները չգիտեն՝ ինչպես պաշտպանել Ալթունյանի հերթական նորամուծությունը, որով այսուհետ դեղատներից մեծ թվով դեղեր հնարավոր կլինի ձեռք բերել միայն դեղատոմսով», – նշում է հրատարակությունն ու ավելացնում, որ ՀՀԿ-ականների վրդովմունքն այնքան մեծ է, որ նրանք դա չեն թաքցնում անգամ հարցազրույցների ժամանակ՝ դեմ արտահայտվելով այդ որոշմանը, իսկ նախկինում մշտապես փորձել են մեղմացնել իրենց թիմակցի սխալները:
«Մասնավոր զրույցներում նրանք էլ ավելի դաժան են՝ դժգոհելով, որ Լևոն Ալթունյանն իր աշխատասենյակում նստած որոշումներ է ընդունում, իսկ հետո իրենք ստիպված են մեկնաբանել դա»,-գրում է թերթը:
Մարտի 1–ին Հայաստանում մի շարք դեղեր հնարավոր կլինի ձեռք բերել միայն դեղատոմսով։ Հայաստանում գրանցված 4700 անուն դեղերից 2700–ը բաց կթողնվեն միայն դեղատոմսով, միաժամանակ սահմանափակումները կներդրվեն փուլ առ փուլ։ Մարտի 1–ից դեղատոմսով կվաճառվեն հակաբիոտիկները, հորմոնալ և կոդեին պարունակ դեղերը, հուլիսի 1–ից դեղատոմսով կվաճառվի նաև ներարկումային և օնկոլոգիական դեղորայքը, իսկ հոկտեմբերի 1–ից` մնացած բոլոր դեղերը, որոնք նախատեսված են կառավարության որոշմամբ։-0-
