Էնֆիաջյանը վարդեր նվիրեց Թանդիլյանին, Մարուքյանն էլ նշեց, թե Էնֆիաջյանի պարտության դեպքում ինչ կնվիրեին նրանք (ՎԻԴԵՈ)

ԵՐԵՎԱՆ, 15 հունվարի./Նովոստի–Արմենիա/. Այսօր հրապարակվեցին ԱԺ փոխնախագահի ընտրության արդյունքները։

Հայտնի դարձավ, որ 3-րդ տեղի համար պայքարում էին «Բարգավաճ Հայաստան» խմբակցության թեկնածու Վահե Էնֆիաջյանն ու «Լուսավոր Հայաստան» խմբակցության թեկնածու Մանե Թանդիլյանը։ Մեծամասնության ձայներ ստացավ «Բարգավաճ Հայաստանի» թեկնածու Վահե Էնֆիաջյանը։

Արդյունքների հրապարակումից հետո Էնֆիաջյանն ԱԺ նիստերի դահլիճում մոտեցավ Մանե Թանդիլյանին, ում թեկնածությունն առաջադրել էր ԼՀԿ–ն։ Էնֆիաջյանը ն դեղին վարդեր նվիրեց Թանդիլյանին, ով դրանք ընդունեց ժպիտով:

Միայն դրանից հետո Էնֆիաջյանը ԱԺ նախագահությունում զբաղեցրեց իր տեղը, որը նախկինում զբաղեցնում էր իր կուսակից Միքայել Մելքումյանը:

«Լուսավոր Հայաստան» խմբակցության ղեկավար Էմդոն Մարությանը, մեկնաբանելով Էնֆիաջյանի այդ քայլը, նշեց, որ դա ջենթլմենական ժեստ էր։

«Դա ջենթլմենական ժեստ էր, փաստորեն կինը պարտվեց տղամարդուն, այդ մոտեցումն էր։ Ողջունում ենք, լավ, ջենթլմենական ժեստ էր։ Եթե այնպես լիներ, որ ինքը պարտվեր, մենք կարծում եմ տղամարդուն հարիր մի բան կնվիրեինք` բումաժնիկ կամ դուխի կտայինք», – նշեց Մարուքյանը։–0–

Տեսանյութն` «Ազատություն» ռ/կ