ԵՐԵՎԱՆ, 17 փետրվարի. /Նովոստի–Արմենիա/. Օլիմպիական կրկնակի չեմպիոն Յանա Եգորյանը հայտարարել է, որ չի կենտրոնանում Հայաստանի և Ադրբեջանի միջև գոյություն ունեցող խնդիրների վրա։
«Մենք ապրում ենք մի հասարակությունում, երբ մարդիկ սովորել են «ամբոխի մտածելակերպին»։ Դեպքեր գիտեմ, երբ երկու հարևան երկրների սուսերամարտիկները երկար տարիներ ընկերություն են արել, իսկ այժմ ատում են միմյանց։ Դա հիմարություն է։ Ամեն ինչ վերևում որոշում են քաղաքական գործիչները, իսկ դրանից տառապում են սովորական մարդիկ։ Բայց ես կարծում եմ, որ յուրաքանչյուր մարդ պետք է ունենա սեփական կարծիքը։ Ահա ես ազգությամբ հայ եմ։ Այնպես է ստացվել, որ շատ ընկերներ ունեմ Ադրբեջանից։ Եվ թքած ունեմ, թե Հայաստանն Ադրբեջանի հետ բարձր մակարդակով ինչ–որ խնդիրներ ունի։ Ում հետ ցանկանում եմ, նրա հետ էլ ընկերություն եմ անում»,– ասել է նա
Экспресс-Газета–ին տված հարցազրույցում։
Օլիմպիական չեմպիոնը պատմել է նաև իր հոր` Կարապետ Ալավերդյանի հետ հարաբերությունների մասին, ավելացնելով, որ նա ապրում է Երևանում, և իրենք չեն տեսնվել 17 տարի, քանի որ ծնողներն ամուսնալուծվել են, երբ ինքը վեց տարեկան է եղել։
Загружается новость ...
"Право"
Այն հարցին, թե, արյո՞ք, ցանկանում է տեսնել հորը` Յանան ասել է, որ խելագար ցանկություն չունի։
Հրապարակման մեջ նշվում է նաև, որ Եգորյանի պապը Հայաստանի հայտնի նկարից, դերասան և օպերային երգիչ Հենրիխ Ալավերդյանն է։ Նա նկարահանվել է ավելի քան 20 կինոֆիլմերում, մահացել է թոռան ծնունդից չորս տարի առաջ։
«Ինձ դաստիարակել է ոչ թե նա, այլ մայրս: Բայց եթե հնարավորություն և ժամանակ լինի, ես կմեկնեմ Երևան: Հորս հետ երկար ժամանակ չենք շփվել: Առաջին անգամ հեռախոսազանգ ենք ունեցել, երբ կարծեմ 14 տարեկան էի: Շնորհավորում ենք միմյանց տոներին, ծննդյան օրերի առթիվ: Սակայն նախկինի պես չենք տեսնվում”, - պարզաբանել է Եգորյանը:
Իսկ մարզիկի մայրը պարզաբանել է, թե ինչու է Յանան մայրական ազգանունը կրում:
«Յանան ավելի շուտ է ծնվել, քան նախատեսում էին բժիշկները: 1993 թ.-ի դեկտեմբերին մենք Կարապետի հետ մեկնել ենք Թբիլիսի` ընկերների մոտ: Որոշեցինք սննդամթերք գնել Նոր տարուց առաջ, քանի որ Երևանում շրջափակման պատճառով խանութների փեղկերը դատարկ էին: Ինչպես այսօր հիշում եմ. հաջորդ օրը պետք է մեկնեինք, իսկ ինձ մոտ ցավեր են սկսվում: Արդյունքում հայտնվեցի հիվանդանոցում, աղջիկ ունեցա, իսկ Կարապտը ստիպված եղավ տոմսերը վերադարձնել և ծննդյան վկայական ձևակերպել: Մենք գրանցված չէինք. Յանային գրանցեցին իմ ազգանունով», - պատմել է նա:
Սուսերամարտիկ Յանա Եգորյանը Ռուսաստանի հավաքականի կազմում անհատական և թիմային մրցաշարերում երկու մեդալ է նվաճել 2016 թվականի Ռիոյի օլիմպպիական խաղերում։ Նախորդ տարի նա դարձել է ազգային մրցանակի դափնեկիր «Ռուսաստանի հպարտություն» անվանակարգի «Տարվա մարզիկ» կատեգորիայում։ 2016 թվականի օգոստոսի 25–ին ՌԴ նախագահ Վլադիմիր Պուտինը Եգորյանին «Պատվո շքանշան» է շնորհել։ -0-