ԵՐԵՎԱՆ, 1 մարտի. /Նովոստի Արմենիա/. Հայաստանի հավաքականի ու Լոնդոնի «Արսենալի» կիսապաշտպան Հենրիխ Մխիթարյանը
Sky Sports–ին տված հարցազրույցում նշել է, որ անհրաժեշտ է պայքարել Արսեն Վենգերի համար:
Ավելի վաղ բրիտանական ԶԼՄ-ները հայտնել են, որ ակումբի մարզիչ Արսեն Վենգերը կարող է լքել թիմն արդեն այս խաղաշրջանի ավարտին, ինչը և ստիպել է անգլիական թիմին սկսել նոր մարզչի որոնումները:
«Ինձ շատ հաճելի է աշխատել նրա հետ: Նա շատ բան գիտի ֆուտբոլի մասին, նա կարող է լավ խորհուրդ տալ, և ես շատ ուրախ եմ գտնվել այստեղ: Իհարկե, նրա համար սա ևս թեթև ժամանակներ չեն, սակայն մենք պետք է խաղանք ակումբի համար, նրա համար, քանի որ նա մեծ օրինակ է ծառայում այս թիմի համար», - ասել է Մխիթարյանը:
Загружается новость ...
"Право"
Ֆուտբոլիստը նշել է, որ հիմա դժվար ժամանակներ են ակումբի համար:
«Սա ամենահեշտ ժամանակը չէ ակումբի համար, սակայն մենք այստեղ ենք օգնելու համար, այստեղ ենք, որ անենք ամեն հնարավորը ու բարձրացնել «Արսենալն» այն մակարդակի վրա, որը կար մինչ այժմ: Գիտեմ, որ դա հեշտ չի լինի, սակայն մենք անում ենք ամեն հնարավորինը», - ասել է կիսապաշտպանը:
Նրա խոսքով, «Արսենալի» գրոհող փիլիսոփայությունը համընկնում է նրա անձնական փիլիսոփայության հետ:
«Բոլորը գիտեն, որ «Արսենալը» խաղում է գրոհող ֆուտբոլ, և ես սիրում եմ խաղալ այսպիսի ֆուտբոլ: Մանչեսթերում մենք նույնպես խաղում էինք հարձակողական ֆուտբոլ, սակայն ոչ ամեն հանդիպման ընթացքում: Չեմ ուզում որևէ մեկին մեղադրել, քանի որ ամեն ակումբի մենեջեր ունի իր փիլիսոփայությունը: Հնարավոր է` ես չկարողացա լավ ինտեգրվել«Մանչեսթեր Յունայթեդում», - ասել է Մխիթարյանը:
Հենրիխ Մխիթարյանը Լոնդոնի «Արսենալ» է տեղափոխվել «Մանչեսթեր Յունայթեդից» Ալեքսիս Սանչեսի հետ փոխանակման շրջանակում։ Տեղափոխվելուց հետո Մխիթարյանի աշխատավարձը կազմում է շաբաթական 200 հազար ֆունտ ստեռլինգ։-0-
