Լևոն Արոնյանը պարտվել է Սինքֆիլդի գավաթի վերջին տուրում

ԵՐԵՎԱՆ, 12 օգոստոսի. /Նովոստի-Արմենիա/. Հայ գրոսմայստեր Լևոն Արոնյանը բաց թողեց Սինքֆիլդի գավաթի հաղթող դառնալու հնարավորությունը` նախօրեին մրցաշարի վերջին տուրում պարտություն կրելով նորվեգացի Մագնուս Կարլսենից:

Ինչպես նշվում է մրցաշարի պաշտոնական կայքում, հաղթող դարձավ ֆրանսիացի Մաքսիմ Վաշիե Լագրավը` հավաքելով 6 միավոր հնարավոր 9-ից: 

2-3-րդ տեղերը կիսում են Կարլսենն ու Վիշվանաթան Անանդը` 5,5-ական միավորով, այնուհետև կես միավորով պակաս նրանց հետևում են Արոնյանը և Կարյակինը:

Grand Chess Tour-ի երրորդ փուլ համարվող Սինքֆիլդի գավաթի ավանդական մրցաշարն անցկացվում էր հուլիսի 31-ից օգոստոսի 12-ը Սենթ Լուիսում:

Ընդհանուր մրցանակային ֆոնդը կազմում է 300 հազար դոլար, հաղթողը ստանում է 75 հազար: -0-