ԵՐԵՎԱՆ, 23 դեկտեմբերի. /Նովոստի-Արմենիա/. Հայ ծանրորդուհի Մելինե Դալուզյանի և ևս չորս ծանրամարտիկների` ամառային Օլիմպիադա-2012-ից վերցրած դոպինգ-նմուշները Միջազգային օլիմպիական կոմիտեի անցկացրած վերստուգման արդյունքում դրական արդյունք են ցույց տվել, ասվում է Ծանրամարտի միջազգային ֆեդերացիայի (IWF) հաղորդման մեջ:
2012 թվականի Խաղերում Դալուզյանը զբաղեցրել էր 14-րդ տեղը:
Բացի նրանից, դրական արդյունք են ցույց տվել Լոնդոնի օլիմպիական չեմպիոն Ալեքսեյ Տորոխտիի (Ուկրաինա, մինչև 105 կգ), 2012 թ. Խաղերի մինչև 56 կգ քաշային կարգի բրոնզե մեդալակիր Վալենտին Խրիստովի (Ադրբեջան), 2016 թվականի օլիմպիական չեմպիոն, Ուզբեկստանի ներկայացուցիչ Ռուսլան Նուրուդինովի, ինչպես նաև 2012 թվականի Օլիմպիադայի 8-րդ տեղը զբաղեցրած բելառուս Նիկոլայ Նովիկովի դոպինգ-նմուշները:
Նշվում է, որ IWF-ը նշված մարզիկներին ժամանակավորապես հեռացրել է մրցումներից: -0-
Ծանոթացեք լուրերին առաջինն ու քննարկեք դրանք մեր Telegram-յան ալիքում