ԵՐԵՎԱՆ, 23 փետրվարի. /Նովոստի–Արմենիա/. Ռուսական «Տոսնո» թիմի դարպասապահ Դավիդ Յուրչենկոն ցանկանում է հանդես գալ Հայաստանի ազգային հավաքականում, հայտնում է ՀՖՖ պաշտոնական կայքը։
«Հայաստանի ֆուտբոլի ֆեդերացիան շարունակում է աշխատանքները ռուսական «Տոսնո» թիմի դարպասապահ Դավիդ Յուրչենկոյի՝ Հայաստան ազգային հավաքական հրավիրելու ուղղությամբ»,– ասվում է հաղորդման մեջ։
ՀՖՖ փոխնախագահ Աշոտ Մանուկյանը օրեր առաջ հանդիպել է Յուրչենկոյի հետ և կրկին անգամ ներկայացրել ֆեդերացիայի շահագրգռությունը՝ տեսնել ֆուտբոլիստին մեր հավաքականում:
Загружается новость ...
"Право"
«Դավիդ Յուրչենկոն հավաստիացրել է, որ շատ է ցանկանում հանդես գալ Հայաստանի ազգային հավաքականում, սակայն դեռևս կան իր գործող պայմանագրի ավարտվելու, ինչպես նաև իրավական բնույթի այլ անորոշություններ, հետեւաբար կպահանջվի որոշակի ժամանակ և հետագա քննարկումներ՝ իրեն ներկայացնող մասնագետների հետ»,– նշվում է տարածած հաղորդագրությունում։
Յուրչենկոն հայկական արմատներ ունի, դեռևս 2014 թվականի ամռանն առաջարկ է ստացել խաղալու Հայաստանի հավաքականում։ 2017 թվականին ՀՖՖ–ն հրավիրել է նրան աշխարհի առաջնության ընտրական հանդիպումներին, սակայն դարպասապահը հայտնել է, որ ազգային հավաքական նրա գալուն խոչընդոտում է Ռուսաստանի առաջնությունում լեգիոներների մասնակցության լիմիտը։ -0-