Հայտնի է, թե որ երկրում կանցկացվի Եվրոպայի 2024 թ.–ի առաջնությունը

ԵՐԵՎԱՆ, 27 սեպտեմբերի. /Նովոստի–Արմենիա/. ՈՒԵՖԱ–ի գործադիր կոմիտեն հինգշաբթի որոշում է կայացրել` 2024 թ.–ի Ֆուտբոլի Եվրոպայի առաջնությունն անցկացնել Գերմանիայում, հայտնում է Советский спорт –ը։

«Ըստ Գերմանական կազմակերպչական կոմիտեի դիմումի, Գերմանիայում Եվրոպայի առաջնության համար ստիպված չեն լինի կառուցել ոչ մի նոր մարզադաշտ. առաջնության համար կօգտագործվի արդեն առկա 10 մարզադաշտ։ Եվրո–2024–ին, ընդհանուր առմամբ, կմասնակցեն 24 ազգային հավաքականներ», – նշվում է տարածած հաղորդագրությունում։

Քվեարկությանը մասնակցել է ՈՒԵՖԱ–ի կազմակերպչական կոմիտեի 17 անդամ։ 12 ձայն տվել են Գերմանիային, Թուրքիային` 4, մեկ մարդ ձեռնապահ։

Եվրո–2024 կանցկացվի Գերմանիայի 10 քաղաքներում` Բեռլինում, Քյոլնում, Դորտմունդում, Դյուսելդորֆում, Ֆրանկֆուրտում, Գելզենկիրխենում, Համբուրգում, Լեյպցիգում, Մյունխենում, Շտուտգարտում:

2020 թ.–ի ֆուտբոլի Եվրոպայի առաջնությունը միաժամանակ կանցկացվի ՈՒԵՖԱ մտնող 12 քաղաքների 12 մարզադաշտերում, նաև Սանկտ Պետերբուրգում։–0–