ԵՐԵՎԱՆ, 11 դեկտեմբերի. /Նովոստի-Արմենիա/. Անգլիական «Լիվերպուլի» նախկին կիսապաշտպան Ջեյմի Կարագերը խոսել է «Մանչեսթեր Յունայթեդի» հայ կիսապաշտպան Հենրիխ Մխիթարյանի մասին, հայտնում է armsport.am-ը:
«Մխիթարյանի գոլը Եվրոպա լիգայում և լավ հանդիպումն «Էվերթոնի» դեմ մեզ ցուցադրեցին, որ հայը ճիշտ ուղու վրա է», - ասել է Կարագերը:
Նրա խոսքով, հետաքրքիր էր «Զարյայի» հետ խաղից առաջ կարդալ, որ Մխիթարյանը իրեն է մեղադրում թույլ մեկնարկի համար, իսկ դրանից հետո նա դաշտ է դուրս գալիս և ամեն ինչ անում՝ «Մանչեսթեր Յունայթեդում» հաջողակ լինելու համար:
«Մխիթարյանի տաղանդն անվիճելի է: Հիշում եմ, որ 2013 թվականի ամռանը Բրենդան Ռոջերսը ջանք չէր խնայում նրան ձեռք բերելու համար, իսկ հետո տխրել էր, որ Հենրիխը որոշել էր տեղափոխվել «Բորուսիա», - նշել է նա:
Կարագերի խոսքով, Մխիթարյանը Գերմանիայում մեծագույն կատարող էր:
«Կարծում եմ` նա այդպիսին կլինի նաև «ՄՅՈւ»-ում: Վերջին խաղերում նրա ելույթները լավ ապագա են երաշխավորել նրա համար», - Կարագերի խոսքը մեջբերում է «Daily Mail»-ը: -0-