ԵՐԵՎԱՆ, 3 հոկտեմբերի. /Նովոստի Արմենիա/. Հոկտեմբերի 5-ին Վազգեն Սարգսյանի անվան «Հանրապետական» մարզադաշտում կկայանա 2018թ. Աշխարհի առաջնության Հայաստան-Լեհաստան ընտրական հանդիպումը, հաղորդում է ՀՖՖ մամուլի ծառայությունը։
Խաղը կսպասարկի Սլովենիայի մրցավարական անձնակազմը՝ Մատեյ Յուգի գլխավորությամբ: Օգնականներն են Մատեյ Զունիչը և Մանուել Վիդալին:
4-րդ պաշտոնյայի պարտականությունները կկատարի Դամիր Սկոմինան: Հանդիպման ՖԻՖԱ-ի պատվիրակն է Անդրիան Իկսարին (Մոլդովա), մրցավարների տեսուչը՝ Ռունե Պեդերսենը (Նորվեգիա):
Յոթ տուրերից հետո ընտրական Е խմբում առաջատարի դիրքը զբաղեցնում են լեհերը` 19 միավորով, նրանց հետևում են Չեռնոգորիայի և Դանիայի հավաքականները` 16–ական միավորով։ Ռումինիայի հավաքականը, որը կորցրել է խմբից դուրս գալու բոլոր մաթեմատիկական շանսերը, վաստակել է 9 միավոր։ Հայաստանի ընտրանին վեց միավորով նախավերջին տեղում է։ Մրցաշարային աղյուսակը եզրափակում է Ղազախստանի թիմն` ընդամենը երկու միավորով։ –0–
Ծանոթացեք լուրերին առաջինն ու քննարկեք դրանք մեր Telegram-յան ալիքում