ԵՐԵՎԱՆ, 21 մայիսի./Նովոստի–Արմենիա/. Հայտնի բլոգեր և լրագրող Վասիլի Ուտկինը հրաժարվել է այցելել Բաքու` Եվրոպա լիգայի եզրափակչի` «Չելսի» – «Արսենալ» հանդիպմանն «Արսենալի» կիսապաշտպան Հենրիխ Մխիթարյանի շուրջ ստեղծված իրավիճակի պատճառով, գրում է sport24.ru–ն։
Այսօր ավելի վաղ հայտնի է դարձել, որ Մխիթարյանը, անվտանգության նկատառումներց ելնելով, չի մասնակցի Եվրոպա լիգայի եզրափակչի` «Չելսի» – «Արսենալ» հանդիպմանը, որը տեղի կունենա մայիսի 29–ին Բաքվում։
«Ես խորապես հիասթափված եմ Հենրիխ Մխիթարյանի հետ կապված իրավիճակի պատճառով։ Հանձնել եմ ինքնաթիռի տոմսերը, հանդիպման տոմսը կպահպանեմ որպես հիշատակ անասունության ու ապուշության դեպքի մասին, որը համեմված է ագահությամբ», – գրել է Ուտկինը Twitter-ի իր էջում։–0–