ԵՐԵՎԱՆ, 4 մայիսի․ /Նովոստի-Արմենիա/․ Եվրոպացի գիտնականներին հաջողվել է ստեղծել այնպիսի հակամարմին, որը կարող է հաղթել կորոնավիրուսը լաբորատոր պայմաններում: Սա կարևոր քայլ է հիվանդության բուժումը գտնելու և համաճարակի տարածումը կանխելու փորձի համար:
Գիտնականները ստեղծել են մոնոկլոնալ հակամարմին, որը կարողացել է հաղթել կորոնավիրուսը լաբորատոր պայմաններում: Այս մասին ասվում է «Nature Communications» ամսագրում տպագրված ուսումնասիրության մեջ, հայտնում է «Forbes»-y
Ուսումնասիրությունն իրականացրել են Ուտրեխտի համալսարանում ՝ Նիդեռլանդների և Գերմանիայի գիտնականները, պրոֆեսոր Բերենդ-Յան Բուշի ղեկավարությամբ: Մոնոկլոնալ հակամարմինները լաբորատորիայում ստեղծված սպիտակուցներ են, որոնք նման են մարդու իմունային բջիջների արտադրած սպիտակուցներին: Նրանք ճանաչում են որոշակի պաթոգեն տեղանք և գործում են հենց այդտեղ:
Չնայած նոր բացահայտումը դեռևս չի կարող օգտագործվել դեղամիջոցների մշակման մեջ, քանի որ հակամարմինները առաջին հերթին պետք է փորձարկվեն կենդանիների և մարդկանց վրա, զարգացումը կարող է օգնել կանխել վարակը կամ ապագայում բուժել COVID-19-ով վարակվածներին և կորոնավիրուսի հետ կապված հիվանդությունները, նշում է Bloomberg- ը :
Загружается новость ... "Лево"
Հակամարմինը, որը հայտնի է որպես 47D11, գործում է թագի տեսքով սրածայր սպիտակուցի վրա, որոի շնորհիվ SARS-CoV-2 վիրուսը ներթափանցում է մարդու բջիջներըշի մեջ: Ուսումնասիրության ընթացքում 47D11 հակամարմինը ոչ միայն հաղթել է COVID-19- ին, այլև նրա «զարմիկին»՝ սուր շնչառական համախտանիշ առաջացնող վիրուսին (SARS), որը նույնպես ունի սպիտակուցային նմանատիպ փշեր:
Գիտնականները օգտագործել են գենետիկորեն ձևափոխված մկների COVID-19-ի սրածայր սպիտակուցի տարբեր հակամարմիններ արտադրելու համար, և սկրինիգի արդյունքում պարզվել է, որ 47D11 հակամարմինը չեզոքացնող ակտիվություն է ցուցաբերում: Հետո հետազոտողները վերափոխել են այս հակամարմինը, որպեսզի ստեղծեն դրա՝ մարդու համար նախատեսված տարբերակը։
Լրացուցիչ ուսումնասիրություններ կպահանջվեն`պարզելու, թե արդյոք արդյունքները կհաստատվեն կլինիկական փորձարկումների ընթացքում, և թե ինչպես է հակամարմինը ոչնչացնում վիրուսը, նշում են ուսումնասիրության հեղինակները:
Մոնոկլոնալ հակամարմիններն արդեն հաջողությամբ օգտագործվում են քաղցկեղի բուժման մեջ․ դրանք իրենց պատրաստուկներում օգտագործում են այնպիսի դեղագործական հսկաներ, ինչպիսին են Merck & Co.- ն և Roche Holding AG-ն։-0-
