Մինչև տարեվերջ Հայաստանում 911 փրկարար ծառայություն կսկսի գործել
![Մինչև տարեվերջ Հայաստանում 911 փրկարար ծառայություն կսկսի գործել Մինչև տարեվերջ Հայաստանում 911 փրկարար ծառայություն կսկսի գործել](/upload/iblock/c88/q4i2uiqcl5wzhm41cymodu212wn7x0s3.jpg)
ԵՐԵՎԱՆ, 29 հուլիսի. /Նովոստի-Արմենիա/. Միասնական հայկական փրկարար ծառայությունը (911 կամ 112) կսկսի գործել մինչև 2011թ.-ի վերջը, ուրբաթ լրագրողներին ասաց ՀՀ արտակարգ իրավիճակների նախարար Արմեն Երիցյանը:
Նախարարը նշեց, որ արդեն շուրջ 30-40 երիտասարդ է հավաքվել, ովքեր փորձնական շրջան են անցնում նոր ծառայությունում աշխատանքի անցնելու համար:
«Բոլոր աշխատակիցները տիրապետում են երեք և ավելի լեզուների, համակարգչային հմտությունների, ինչը թույլ կտա նրանց շփվել ծառայություն զանգահարած ցանկացած մարդու հետ, լինի դա Հայաստանի կամ այլ երկրի քաղաքացի և ցանկացած իրավիճակում օգնություն ցուցաբերել»,- ասաց Երիցյանը:
Ինչպես նշեց նախարարը, ծառայության աշխատակիցների պրոֆեսիոնալիզմը կգտնվի շատ բարձր մակարդակում, ինչը թույլ կտա նրանց պատասխանել ցանկացած հարցի և լուծում տալ ցանկացած խնդրի, անհրաժեշտության դեպքում «Շտապօգնության» կամ Ոստիկանության բրիգադ կանչել:
Ըստ նրա, կենտրոնի աշխատակիցները նաև պետք է վերապատրաստում անցնեն ԱՄՆ-ում կամ Ֆրանսիայում: Ծրագրվում է, որ Հայաստան կժամանեն այդ կենտրոնների մասնագետներ՝ տեղում դասընթացներ անցկացնելու համար:
«Անհրաժեշտ է անել հնարավորինը, որպեսզի յուրաքանչյուր քաղաքացի զգա նոր ծառայության ներմուծման դրական կողմերը»,-ասաց Երիցյանը:
Այսօրվա դրությամբ Հայաստանում գործում են տարբեր փրկարար ծառայությունների տարբեր հեռախոսահամարներ՝ Շտապօգնության, ոստիկանության, հրշեջ ծառայության և այլն: -0-