ԵՐԵՎԱՆ, 16 ապրիլի. /Նովոստի–Արմենիա/. Հայաստանի նախկին նախագահ Սերժ Սարգսյանը ռուսական
«Իզվեստիա» պարբերականին պատմել է հանրապետությունում անցկացված խորհրդարանական բարեփոխումների և հնարավոր վարչապետության մասին։
«Իմ կուսակիցները կողմ են հանդես եկել Կարեն Կարապետյանի առաջարկին կուսակցական մարմինների համապատասխան նիստերում, և ես պատրաստ եմ ստանձնելու այդպիսի պատասխանատվություն»,– ասել է Սարգսյանը։
Նա միաժամանակ ընդգծել է, որ իր պարտավորություններին զուգահեռ, «եթե իր թեկնածությունը հավանության արժանանա խորհրդարանում», ապա շատ ժամանակ է մտադիր հատկացնելու տարբեր պաշտոններում իր կուտակած փորձը փոխանցելուն։
Նրա խոսքով, անհրաժեշտ է մտածել արժանի երիտասարդ քաղաքական գործիչների մասին, որ կան և հանրապետականների թվում, և կուսակցությունից դուրս։
«Մենք Հայաստանի համար շատ և օգտակար աշխատանք ունենք անելու»,– նշել է Սարգսյանը։
Նա նաև բացատրել է Հայաստանում խորհրդարանական իշխանավարման անցնելու անհրաժեշտությունը։
«Կիսանախագահական իշխանավարումը սպառնալիքներ ունի ոչ հավասարակշռված լինելու պատճառով»,– ասել է Սարգսյանը։
Загружается новость ...
"Право"
Ըստ նրա, նախագահն իրավական մեծ պատասխանատվություն է կրում ներքին և արտաքին քաղաքականության, անվտանգության ապահովման համար և այլն, բայց օժտված չի եղել համապատասխան լիազորություններով, որ ամբողջությամբ իրագործվեն Սահմանադրությամբ նախատեսված պարտավորությունները։
«Բոլոր քաղաքական ուժերը պահանջել են փոխել իշխանավարման կարգը։ Ընդառաջ գնալով այդ ցանկություններին` մենք որոշել ենք հավասարակշռել երկրի քաղաքական կառուցվածքը, որն այժմ տարբերվում է խորհրդարանի ուժեղ օրենսդրական իշխանությամբ, որի առջև կառավարությունը լիակատար պատասխանատվություն է կրում»,– ասել է Սարգսյանը։
Նա նշել է, որ խորհրդարանական իշխանավարումն ավելի շատ հարմար է հայկական իրականության համար, հարիր է ժողովրդի մտածողությանը։ Միաժամանակ Սարգսյանն ավելացրել է, որ դա թույլ կտա իրագործել ժողովրդական բարեփոխումներ և ավելի արագ տեմպերով զարգացնել Հայաստանի տնտեսությունը։ -0-
