«Սանտա Բարբարա» «ջիգարխանյանական ձևով» կամ ամուսինների խաչաձև դիմումները

ԵՐԵՎԱՆ, 16 հոկտեմբերի. /Նովոստի–Արմենիա/. Մի շարք հեռուստաալիքներ հայտնում են Արմեն Ջիգարխանյանի առևանգման մասին։ Իբր այդ տեղեկությունը ստացվել է Արմեն Բորիսովիչի երիտասարդ կնոջից` Վիտալինա Ցիմբալյուկ–Ռոմանովսկայայից։

Թատրոնի արտահերթ նիստում Վիտալինան գործընկերներին հայտնել է, որ իր ամուսնուն առևանգել են նրա ընկերները (Հայրապետ Հովհաննիսյանը և Արթուր Սողոմոնյանը), ովքեր այժմ փորձում են տիրանալ նաև Ջիգարխանյանի թատրոնին։ Վիտալինան ոստիկանությանն ամուսնուն առևանգելու վերաբերյալ դիմում է ներկայացրել, թե, իբր, մի քանի օր առաջ անհետացել է, զանգերին չի պատասխանում։ Հայտնի է դարձել նաև, որ կնոջ «վրա» էլ Ջիգարխանյանն է դիմում գրել` թե Վիտալինան փորձում է իրենից ազատվել` գույքին տիրանալու համար (թեև Արմեն Բորիսովիչը վաղուց ամբողջ իր ակտիվները ժառանգել է երիտասարդ կնոջը)։

Համացանցում լուրեր են պտտվում, թե Ջիգարխանյանն «ազատել է» Վիտալինային ոչ միայն իր կյանքից, այլ նաև իր թատրոնից։ Մի խոսքով, «Սանտա–Բարբարա»։

«Կոմսոմոլսկայա պրավդա»–ն զանգահարել է Ջիգարխանյանի քրոջը` Մարինային, ով ասել է, թե իր եղբայրը հիվանդանոցում է։

«Եղբայրս արդեն երտասարդ չէ, շատ հիվանդություններ ունի։ Դա պետք է հաշվի առնել։ Անկասկած, նրան պետք էր օգնություն ցուցաբերել։ Սկզբում ժամանել է մի «Շտապը», օգնել է նրան։ Հետո եղբորս հետ են տարել թատրոն։ Դրանից հետո նրան նորից տեղափոխել են հիվանդանոց։ .... Այժմ Արմենը նորմալ է, բժիշկների վերահսկողության ներքո է գտնվում։ Բարձր շաքար է ունեցել։ Իսկ այդ ժամանակ մարդն իրեն վատ է զգում և երբեմն ոչ ադեկվատ է զգում։ Պառկած է, բուժվում է»։

Այն հարցին, թե արդյո՞ք ճիշտ է, որ Արմեն Բորիսովիչը Վիտալինայի վերաբերյալ դիմում է գրել ոստիկանություն, քույրը հայտնել է, որ նա դիմում չի գրել։


«Կան այնպիսի մարդիկ, ում դուր է գալիս մասնակցել ընտանեկան հարցերին։ Ամեն ինչ սկսվել է նրանից, որ Արմենի մոտ եկել էին ընկերները։ Հետո նա վատ է զգացել, և նրան տարել են հիվանդանոց։ Արմենի ընկերները Վիտալինային տեղյակ չեն պահել։ Նա շատ անհանգստանում էր, որովհետև միայն Վիտալինան գիտի, թե ինչ դեղեր են պետք»,– ասել է նա։

Մարինան ավելացրել է, որ այդ մարդկանց գործողությունները անշնորհքություն է համարում։

Մեկնաբանելով այն լուրերը, թե Ջիգարխանյանը հիվանդության սրման պահին ասել է, որ Վիտալինան փորձում է իրենից խլել գույքը` Մարինան ասել է, որ Վիտալինան շատ ազնիվ մարդ է, և դա միայն Արմեն Բորիսովիչի հիվանդության դրսևորումն է։ -0-