ԵՐԵՎԱՆ, 5 դեկտեմբերի. /Նովոստի–Արմենիա/. Մեծ Բրիտանիայի արտաքին գործերի նախարար Բորիս Ջոնսոնն ընդհատել է հեռուստահարցազրույցը նրանից հետո, երբ հաղորդավարը խնդրել է ասել Հարավային Կորեայի նախագահի անունը։
Չիմացությունը խոստովանելու փոխարեն` Ջոնսոնն ընդհատել է լրագրողին, ասելով, թե իրենք pub quiz չեն խաղում, ինչից հետո հրաժեշտ է տվել հեռուստադիտողներին, հայտնում է
vesti.ru–ն` հղում անելով Metro–ին։
Արտասովոր դեպք է կատարվել բրիտանական Sky News հեռուստաալիքի եթերում։
«Գիտե՞ք, եթե մենք ձեզ հետ փաբում լինեինք և pub quiz խաղայիքն, ես կպատասխաների ձեր հարցին։ Բայց այժմ գարեջրատանը չենք։ Այդ խաղն ուղիղ եթերում չեմ պատրաստվում խաղալ։ Ցտեսություն»,– ասել է Բորիս Ջոնսոնը։
Դրանից հետո քաղաքական գործիչը փորձել է փոխել թեման, բայց հաղորդավարը շարունակել է ակնարկել, թե հեռուստադիտողի համար կարևոր է լսել հարավկորեացի նախագահի անունը։ Սա վերջնականապես հունից հանել է Ջոնսոնին։
«Դերմոտ, մեր խոսակցությունը չի ստացվում։ Դուք շարունակում եք ինձ խնդրել նշել առաջնորդների անունները։ Հաճույքով կքննարկեմ դա ձեզ հետ փաբում, իսկ այժմ` ցտեսություն»,– պատասխանել է արտաքին գորխերի նախարարը և հեռացել կադրից։ -0-
