ԵՐԵՎԱՆ, 16 հոկտեմբերի. /Նովոստի–Արմենիա/. Թատրոնի և կինոյի ռուս դերասան Դմիտրի Մարյանովն է մահացել կյանքի 48–րդ տարում։
Ինչպես հայտնում է
Lenta.ru–ն, այդ մասին է հայտնել իրավապահ մարմիններում ունեցած աղբյուրը։
Ըստ նրա, դերասանն իրեն վատ է զգացել և կորցրել է գիտակցությունը` մեքենայով ամառանոցից Մոսկվա վերադառնալիս։ Նրա հետ գտնվող ընկերները նրան տեղափոխել են Լոբնյա քաղաքի հիվանդանոց։ Տեղ հասնելով` նրանք փոխանցել են հիվանդին բժիշկներին, ովքեր մահ են արձանագրել 19։30–ին։
Lenta.ru–ի հաղորդմամբ, նախնական տվյալներով, մահվան պատճառը պոկված տրոմբն է։ Մահվան քրեական վարկածը դեռևս բացառվում է։
Загружается новость ...
"Право"
1994 թվականից դերասանն աշխատել է «Լենկոմ» թատրոնում, որտեղ խաղացել է «Յունոնա և Ավոս», «Բրեմենյան երաժիշտներ», «Հոգեհանգստի աղոթք» և այլ ներկայացումներում։ Մարյանովը հայտնի է նաև որպես կինոյի դերասան, հայտնի ֆիլմերից են` «Ծիածանից վեր», «Լսելով լռությունը», «Մոլագարը» և այլն։
Դերասանը նկարահանվել է նաև ռեժիսոր Մհեր Մկրտչյանի` ղարաբաղյան պատերազմի մասին պատմող «Կյանք ու կռիվ. 25 տարի անց» ֆիլմի էպիզոդիկ դերում։ Ֆիլմն էկրան է բարձրացել 2017 թվականի հունվարին։ -0-
