ԵՐԵՎԱՆ, 1 հուլիսի. /Նովոստի-Արմենիա/. Շոգ եղանակին չի կարելի ջերմաստիճանային կտրուկ փոփոխություն կատարել, զգուշացնում է բժիշկ Վիկտորիա Սավիցկայան:
«Տաքացած մարմինը չպետք է իր վրա ցրտի ազդեցություն զգա: Այսպիսի փոփոխությունը հղի է անոթների սպազմով և հարակից խանգարումներով»,- նրա խոսքն է մեջբերում
newsyou ռեսուրսը:
Սավիցկայան նշել է, որ անոթային սպազմը հնարավոր է նաև այն ժամանակ, երբ շոգ տարածքում երկար ժամանակ եղած մարդը որոշում է մարմինը շփել սառույցի խորանարդիկով:
Ծովափերի այցելության ժամանակ կարևոր է տաքացած վիճակում միանգամից չնետվել ջուրը:
«Շոգին կտրականապես արգելված է մտնել սառը ջուրը, ինչքան էլ որ ցանկալի չլինի: Հատկապես դա վերաբերում է արևայրուքի սիրահարներին և քրոնիկ ու սրտի հիվանդություններ ունեցող մարդկանց»,- նշել է մասնագետը:
Բժիշկի խոսքով, ջուրը պետք է ընկղմվել նախապես մի փոքր հովանալուց հետո: Օրինակ, կարելի է մարմինը շփել թաց սրբիչով, զգուշորեն թրջել ոտքերը, ուսերը և արմունկները:
«Ջուրը պետք է մտնել աստիճանաբար: Միայն երբ կթվա, որ ոտքերն արդեն տաքանում են, կարելի է մարմնով ընկղմվել ջրի մեջ»,- նշում է մասնագետը: -0-