ԵՐԵՎԱՆ, 19 օգոստոսի. /Նովոստի-Արմենիա/. Google ընկերությունը խոստովանել է, որ շարունակում է որոշ դեպքերում հետևել օգտատերերին, անգամ երբ վերջիներիս սմարթֆոններում անջատած են պահում համապատասխան գործառույթները, հայտնում է
tass.ru-ն՝ հղում անելով Associated Press-ին:
Ընկերությունը հանդես է եկել պարզաբանումներով մի քանի օր անց, այն բանից հետո, երբ գործակալությունը նյութ է հրապարակել այն մասին, որ որոշ հավելվածներ ու Google-ի կայքերը շարունակում են հետևել օգտատերերի տեղայնացմանը, անգամ եթե համապատասխան գործառույթն անջատած է իրենց ըքաունթի կարգավորումներում:
Ինչպես հայտնում է AP-ն, ավելի վաղ Google կայքում նշվում էր, որ եթե օգտատիրոջ գտնվելու վայրերի պատմությունն ակտիվ չէ, ապա «ձեր այցելած վայրերն այլևս չեն պահպանվում» ըքաունթի պատմությունում: Հետագայում Google-ը փոփոխել է այդ կետը: Հիմա նշվում է, որ եթե օգտատերը անջատել է վերոհիշյալ գործառույթը, ապա գտնվելու վայրի վերաբերյալ որոշ տվյալներ, այնուամենայնիվ, կարող են պահպանվել այլ ծառայությունների, օրինակ, «Search»-ի և «Maps»-ի օգտագործման դեպքում:-0-