ԵՐԵՎԱՆ, 27 մարտի./Նովոստի–Արմենիա/. Ռուսաստանում կորոնավիրուսի տարածման ակտիվությունը կնվազի ապրիլի վերջին մայիսի սկզբին, կարծում է ակադեմիկոս, ՌԴ ԱՆ գլխավոր համաճարակաբան Նիկոլայ Բրիկոն։
«Հաշվի առնելով համաճարակաբանական գործընթացների զարգացման բնական մեխանիզմները` ես կարծում եմ, որ Ռուսաստանում կորոնավիրուսի տարածման ակտիվությունը կնվազի։ Նոր կորոնավիրուսը դասվում է սուր շնչառական ինֆեկցիաների խմբին, որոնք բնութագրվում են սեզոնային ակտիվությամբ աշնանը և ձմռանը», – հայարարել է նա ուրբաթ
«Ինտերֆաքսին»։
Նրա խոսքով, «այս վիրուսի տարածման դինամիկան չի վկայում հիվանդների թվի կտրուկ աճի մասին»։
Загружается новость ... "Лево"
«Հիմա (մարտի 26–ի տվյալներով) գրանցվել է 840 դեպք, որոնցից 182–ը նոր է։ Նախորդ օրը գրանցվել էր 163 նոր դեպք, ինչպես տեսնում եք աճը չի ընթանում երկրաչափական պրոգրեսիայով նույնիսկ ոչ հինգ կամ ոչ տասն անգամ», – ասել է նա։
Բրիկոն նաև նշել է, որ կարող է արձանագրվել հիվանդների թվի աճ ոչ թե նոր հիվանդացածների հաշվին, այլ թեստավորման ընդլայնման հաշվին։
«Հիմա համապատասխան արտոնագիր ունեցող մի շարք բժշկական կազմակերպություններ կարող են իրականացնել թեստավորում։ Նրանք էլ կարող են որոշել հիվանդության թեթև ձևերը», – նշել է փորձագետը։
Նա հիշեցրել է, որ կորոնավիրուսը լուրջ վտանգ է ներկայացնում միայն քրոնիկ հիվանդություններ ունեցող մարդկանց և տարեցների համար, որոնց իմունիտետը ցածր է։ Ընդհանրապես, հիվանդացածների ավելի քան 80%–ը հիմա ունի հիվանդության թեթև ախտանիշներ։–0–
