Մքգրեգոր. գործ չունեք հայերի հետ

ԵՐԵՎԱՆ, 30 ապրիլի. /Նովոստի-Արմենիա/. UFC նախկին չեմպիոն, ММА սկանդալային հայտնի իռլանդացի մարտիկ Քոնոր Մքգրեգորը Twitter-ի իր էջում կիսվել է հետևորդներից մեկի գրառմամբ այն մասին, թե ինքն աջակցում է հայերին` Հայոց ցեղասպանության ճանաչման գործում:

«Ես ամբողջ օրը հայերի թիմում եմ: Դանիսը և Քարդաշյանները: Գործ չունեք հայերի հետ», - գրել է Մքգրեգորը:

Ըստ նրա, հայերը կպայքարեն մինչև վերջ:

I’m team Armean all day!
The Danis’s and the Kardashian’s!
Don’t mess with them Armenians.
Proper Money getters and will fight under attack. https://t.co/5aZxtot1ir

— Conor McGregor (@TheNotoriousMMA) 28 апреля 2019 г.

Մքգրեգորի գրառումն ակտիվ քննարկվում է սոցկայքերում: Հայ օգտատերերը շնորհակալություն են հայտնում, իսկ թուրք–ադրբեջանցիները` քննադատում և կշտամբում:

1965 թ.-ից սկսած, դեռևս Խորհրդային Հայաստանում, վերածնվել է Հայոց ցեղասպանության ճանաչման շարժումը, որին հետևեց ավելի քան տասնյակ պետությունների և միջազգային կազմակերպությունների կողմից այդ փաստի միջազգային ճանաչումը։ Հայոց ցեղասպանության փաստը ճանաչել են բազմաթիվ պետություններ և մի շարք հեղինակավոր կազմակերպություններ։ Առաջինը ճանաչել է Ուրուգվայը 1965թ.–ին, որի օրինակին հետևել են Կիպրոսը, Ռուսաստանը, Հունաստանը, Կանադան, Իտալիայի պատգամավորների պալատը, Լիբանանը, Բելգիան, Ֆրանսիան, Պարագվայը, Արգենտինան, Շվեդիան, Բոլիվիան, Մեծ Բրիտանիան, Հոլանդիան, Սլովակիան, Գերմանիան, Լիտվան, Վենեսուելան, Լեհաստանը, Չիլին, Շվեյցարիան, Բրազիլիան, Լյուքսեմբուրգը, Ավստրիան, Վատիկանը, Չեխիան, Դանիան, ինչպես նաև Լիբիայի ժամանակավոր կառավարությունը, ԱՄՆ–ի 49 նահանգները, Սիրիան, Եվրոպական խորհրդարանը, Եկեղեցիների համաշխարհային խորհուրդը։–0–