485.33
+0.37
572.16
-1.31
8.2
-0.02
-1
Եղանակը Երևանում
Հայ
Ինչպե՞ս դիմակայել վիրուսին. խորհուրդ է տալիս փորձագետը
15:42
20 Սեպտեմբերի 2017
ԵՐԵՎԱՆ, 20 սեպտեմբերի. /Նովոստի–Արմենիա/. ՀՀ ԱՆ հիվանդությունների կանխարգելման և վերահսկման ազգային կենտրոնի տնօրեն Լիլիթ Ավետիսյանը ներկայացնում է խորհուրդներ և կանխարգելիչ միջոցառումներ սեզոնային վիրուսների պայքարի հարցում։

Օրերս հայկական մամուլում լուրեր են շրջանառվում հանրապետությունում առկա խուճապի մասին։ Մասնավորապես նշվում է, որ մանկական հիվանդանոցները գերծանրաբեռնված են, բժիշկները չեն հասցնում սպասարկել։ Երեխաների մոտ հիմնականում արձանագրվում է բարձր ջերմություն, աղեստամոքսային տրակտի խանգարում, մկանային ցավեր։

Փորձագետի խոսքով, որևէ աճ չի գրանցվում։

«Սուր–շնչառական վարակները կարող են տարբեր կերպ արտահայտվել։ Կա սուր–շնչառական վարակների աղիքային ձև, որը հայտնի է գիտությանը։ Սակայն դա չի նշանակում, որ տարածված է հենց աղիքային ձևը, պարզապես այդ ամենը կախված է տարբեր գործոններից` և′ տվյալ հարուցչի առանձնահատկությունից, և′ օրգանիզմի առանձնահատկությունից», – պարզանաբեց Ավետիսյանը «Նովոստի–Արմենիա» գործակալությանը։

Загружается новость ... "Лево"

Փորձագետը խորհուրդ տվեց վարակի դեպքում, որպես առաջին օգնություն, օգտագործել մեծ քանակությամբ հեղուկ։

«Չի կարելի ընդունել հակաբիոտիկ, քանի որ այն որևէ ազդեցություն չի ունենում վիրուսի դեպքում։ Այն, հակառակը, կարող է վնաս հասցնել։ Պարզապես անհրաժեշտ է օգտագործել շատ հեղուկ և Ռեգիդրոն, որպեսզի օրգանիզմը չջրազրկվի և չկորցնի անհրաժեշտ հանքային նյութերը», – նշեց փորձագետը։

Նա նաև հայտնեց, որ կառույցը մշտապես մոնիտորինգի է ենթարկում երկրում առկա վիրուսները, լաբորատոր հետազոտում դրանք։

Փորձագետը, պատասխանելով այն հարցին, թե ընդհանրապես քանի՞ օր է ապրում վիրուսն օրգանիզմում` նշեց, որ դա հիմնականում կախված է օրգանիզմի առանձնահատկությունից։

«Վիրուսը օրգանիզմում հիմնականում ապրում է 2–7 օր։ Հնարավոր է նաև թեթև ընթացք, մի փոքր հարբուխ։ Այս ամենը կախված է օրգանիզմի առանձնահատկությունից։ Եթե կա ուղեկցող հիվանդություն, ապա վիրուսը կարող է խորանալ ընդհուպ մինչև թոքաբորբ», – պարզապանեց Լիլիթ Ավետիսյանը։

Նա նաև անդրադարձավ կանխարգելիչ միջոցառումներին։

«Եթե շրջապատում կա վիրուս, օրգանիզմը դառնում է ընկալունակ։ Անհրաժեշտ է բացառել մրսածության գործոնը, հատկապես երեխաների մոտ։ Կանխարգելիչ միջոցառումներ պետք է ձեռնարկվեն նաև դպրոցներում և մանկապարտեզներում, որպեսզի երեխաները չմնան միջանցիկ քամիների տակ և չմրսեն։ Իսկ եթե տանը կա հիվանդ, ապա հարկավոր է այնպես անել, որպեսզի այդ հիվանդին խնամի մեկ հոգի», – նշեց փորձագետն ու ավելացրեց, որ աղիքային ինֆեկցիայի դեպքում հարկավոր է մեծ ուշադրություն դարձնել ձեռքերի հիգիենային։

«Եթե տանը կա հիվանդ, հարկավոր է ախտահարել շրջապատը` տան սենյակները, օդափոխել, քանի որ վիրուսն, արտազատվելով արտաքին միջավայր, չպետք է մնա օդում, խտանա, այլ դուրս գա, որտեղ շատ արագ կոչնչանա», – նշեց Ավետիսյանը։

Խոսելով հիվանդանոցներում առաջացած հերթերի մասին` փորձագետը նշեց, որ դրանք կրում են սեզոնային բնույթ։

«Մենք արձանագրում ենք սեզոնային, սովորական վիճակ։ Արդեն գտնվում ենք ցուրտ սեզոնի շեմին։ Անցումային սեզոններին բնորոշ իրավիճակ է հանրապետությունում, մենք չունենք հիվանդացության կտրուկ աճ, գրանցվում է սովորական սեզոնային ընթացք, որն այս պահի դրությամբ անհանգստության առիթ չի տալիս։ Ամեն ինչ վերահսվում է, իրականացվում են հետազոտություններ, մոնիտորինգ, և եթե անհանգստացնող որևէ երևույթ լինի, կիրականացվեն ավելի կտրուկ միջոցառումներ», – ասաց փորձագետն ու ավելացրեց, որ կառույցը հետևում է նաև, թե ինչ է կատարվում աշխարհում։

«Օրինակ Եվրոպայում հիմա խիստ ցրտել է, հետևաբար այնտեղ մրսածության հավանականությունը մեծանալու է , բայց ԱՀԿ–ն դեռ այդ մասին ինֆորմացիա չի հայտնում», – եզրափակեց Ավետիսյանը։–0–
Loading...
Թեմատիկ նյութեր
Բաժնի այլ նյութեր
18:26
07 Դեկտեմբերի 2017
Համացանցում Հայաստանի գլխապտույտ տեսարանների տեսահոլովակ է հայտնվել (ՎԻԴԵՈ)
Համացանցում գունեղ ու դինամիկ հոլովակ է հրապարակվել, որը բացահայտում է Հայաստանն իր ողջ գեղեցկությամբ:  
18:17
07 Դեկտեմբերի 2017
ՅՈՒՆԻՍԵՖ–ը նշել է մանուկներին սպառնացող հիմնական վտանգը
Առավել մեծ վտանգ է սպառնում Հարավային Ասիայի երեխաներին։
16:30
07 Դեկտեմբերի 2017
Forbes–ը ներկայացրել է 2017թ. ամենաբարձր վարձատրվող երաժիշտների տասնյակը
Դիդդի կեղծանվամբ հանդես եկող ամերիկացի ռեփեր Շոն Քոմբսը ճանաչվել է 2017 թվականի ամենաբարձր վարձատրվող երաժիշտ:
12:17
07 Դեկտեմբերի 2017
Սուրենյանը հերքել է ձմռանը բարձր ջերմաստիճանի և երկրաշարժի հավանականության կապը
Հիշեցնենք, որ Հայաստանի պատմության ընթացքում գրանցված ամենասարսափելի և ավերիչ երկրաշարժից անցել է 29 տարի։
10:15
07 Դեկտեմբերի 2017
Վերա Բրեժնևան փայլել է հայ դիզայների զգեստով (ՖՈՏՈ)
Վերա Բրեժնևան ներկայացրել է հայ դիզայներ Հայկ Ավանեսյանի զգեստը։
20:35
06 Դեկտեմբերի 2017
Հայ խոհարարը ծիծաղելի է անվանել տոլմայի վերաբերյալ ՅՈՒՆԵՍԿՕ–ի որոշումը. «Նովոստի–Արմենիա»–ի էքսկլյուզիվ
Սեդրակ Մամուլյանը ծիծաղելի է համարում Ադրբեջանի կողմից տոլմայի պատրաստման բաղադրատոմսը ՅՈՒՆԵՍԿՕ–ի ոչ նյութական մշակութային ժառանգության ցուցակում ընգրկելու վերաբերյալ որոշումը։  
14:56
06 Դեկտեմբերի 2017
Հայկական քոչարին` ՅՈԻՆԵՍԿՕ–ի ոչ նյութական մշակութային ժառանգության ցանկում (ՎԻԴԵՈ)
Հայկական քոչարին ընդգրկել է ՅՈՒՆԵՍԿՕ–ի ոչ նյութական մշակութային ժառանգության ցանկում:
13:10
06 Դեկտեմբերի 2017
Ադրբեջանը վերջնականապես յուրացրեց հայկական տոլման. այն ընդգրկվեց ՅՈՒՆԵՍԿՕ–ի ցանկում
ՅՈՒՆԵՍԿՕ-ի ոչ նյութական մշակութային ժառանգության ցանկում ընդգրկեց Ադրբեջանի կողմից ներկայացված տոլմա ճաշատեսակի պատրաստման ավանդույթը։
12:22
06 Դեկտեմբերի 2017
Ստեփանծմինդա-Լարս ավտոճանապարհը փակ է ծանրաքաշ մեքենաների համար
Ձյան առատ տեղումների պատճառով ավտոճանապարհը ծանրաքաշ մեքենաների համար առայժմ փակ է։
13:35
04 Դեկտեմբերի 2017
Հայաստանը չի հաստատում Մոսկվա–Երևան չվերթերի չեղարկումը
Հայկական ավիացիոն կառույցները «Նովոստի–Արմենիա» գործակալությանը չեն հաստատում Մոսկվա–Երևան որոշ չվերթերի չեղարկման լուրերը։
11:31
04 Դեկտեմբերի 2017
Հրապարակվել է այս գիշեր երկնքում հայտնված գերլուսնի տեսագրությունը (ՎԻԴԵՈ)
Այս գիշեր երկրագնդի բնակիչները կարող էին դառնալ գերլուսնի ականատեսը։
19:20
03 Դեկտեմբերի 2017
Կառլես Պույոլ. «Հայերը շատ ուժեղ մարդիկ են՝ ուժեղ բնավորությամբ» (ՎԻԴԵՈ)
Հայտնի ֆուտբոլիստ, «Բարսելոնայի» նախկին պաշտպան Կառլես Պույոլը հյուրընկալվել է «Պրոժեկտորպերիսհիլթոն» ծրագրում: