Հրաշամանուկ Արթուր Միքայելյանը ցնցել է ռուսական «Զարմանահրաշ մարդիկ» հաղորդման ժյուրիի անդամներին (ՎԻԴԵՈ)
13:24
15 Հոկտեմբերի 2018
ԵՐԵՎԱՆ, 15 հոկտեմբերի./Նովոստի–Արմենիա/. Հրազդանցի 12–ամյա Արթուր Միքայելյանը ցնցել է «Ռոսիա 1» ռուսական հեռուստաալիքով հեռարձակվող «Զարմանահրաշ մարդիկ» հաղորդման ժյուրիի անդամներին։
Արթուրն առանց ժամացույցի կարողանում է ճշգրտորեն որոշել ցանկացած քաղաքի ժամը, շաբաթվա ցանկացած օրն ու ամիսը։
Արթուրի մայրիկի` Արմինե Մարտիրոսյանի խոսքով, որդու զարմանահրաշ ունակությունների մասին իրեն պատմել է տղայի ուսուցչուհին։
Загружается новость ... "Лево"
«Եթե Արթուրը դասագրքերը դնում է դպրոցական պայուսակի մեջ, ապա նշանակում է, որ շոտով զանգի ժամն է։ Նրա օգնությամբ երեխաները դասարանում որոշում են, թե երբ է գալու դասամիջոցը», – նշել է Արթուրի մայրը։
Նա նաև պատմել է, որ ընտանիքում ստուգել են տղայի ունակությունները, և նա առանց օրացույցի անսխալ նշել է ցանկացած օրվա ամսաթիվը։
«Արթուրի ունակություններն օգնում են նրան ուսման մեջ, նա հիշում է բազմաթիվ պատմական տարեթվեր, գրողների ծննդյան օրեր։ Տանը մենք չունենք ժամացույց, Արթուրը ևս չունի։ Հնարավոր է, որ այս ամենը կապված է նրա զարգացման հետ։ Նա սկսել է խոսել 8 տարեկանում, և առաջին իսկ խոսքերի հետ սկսել են դրսևորվել նրա ունակությունները», – նշել է Արթուրի մայրը։
Արթուրի ունակություններով հետաքրքրվել է Հայաստանի ռեկորդների գրքի հանձնաժողովը, որը, հաստատելով տղայի ունակությունները, բացել է ռեկորդների առանձին բաժին, քանի որ մինչև Արթուրը նման բան որևէ մեկը չի կարողացել անել։
Որպես փորձություն Արթուրին առաջարկել են մի քանի ժամ երթևեկել Մոսկվայում և ստուգել են ժամանակը որոշելու նրա ունակությունները։ Տղան վայրկյանի ճշգրտությամբ որոշել է ժամանակը, ինչը ցնցել է ժյուրիի անդամներին։
Արթուրի բացառիկ ունակություններին ծանոթանալու համար կարելի է դիտել տեսանյութը` սկսած 30–րդ րոպեից։–0–
Երկարատև ձմռանից հետո օրգանիզմը վերականգնվելու կարիք է զգում։ Բայց պարտադիր չէ անդադար հաբեր խմել` անհրաժեշտ միկրոէլեմենտներ ստանալու համար, այլ կարելի է պարզապես բլենդերում մրգեր և բանջարեղեն դնել և սննդարար ու օգտակար կոկտեյլ պատրաստել
Gallup International-ի հարցման արդյունքները ցույց են տալիս, որ Հայաստանի բնակիչների կեսից ավելին կարծում է, որ Ռուսաստանի հետ հարաբերությունների խզումը չի համապատասխանում ազգային շահերին
Դիմադրության շարժման հայազգի հերոս Միսաք Մանուշյանի ու նրա կնոջ` Մելինե Մանուշյանի աճյուններն ամփոփվեցին Ֆրանսիայի մեծագույն գործիչների պանթեոնում․ ՖՈՏՈ