ԵՐԵՎԱՆ, 27 նոյեմբերի. /Նովոստի–Արմենիա/. Աստղագուշակ Էլյա Հովհաննիսյանը կանխատեսել է, թե ում համար 2018 թ.–ը կլինի ֆինանսապես հաջող, իսկ ով պետք է զգուշանա։
Նրա խոսքով, եթե մարդու տարիքը 4–ի բաժանելուց հետո մնացորդը ստացվում է 1, ապա այդ մարդկանց մոտ առաջիկա տարում կավարտվի ֆինանսական ճգնաժամն ու նրանք կստանան մեծ եկամուտ։
«Եթե ձեր տարիքը մոտ է թվի, որը կիսվում է 4–ի առանց մնացորդի, ապա դուք պետք է պատրաստվեք ֆինանսական ճգնաժամի։ Դա կտևի միայն մեկ տարի, իսկ 2019 թ.–ը կլինի դրական ֆինանսական տեսակետից», – երկուշաբթի լրագրողներին ասաց Հովհաննիսյանը։
«Ինչպես հայտնի է, 2018 թ.–ը Շան տարի է։ Այն առանձնահատուկ կլինի այն մարդկանց համար, ովքեր նախատեսում են նոր գործունեություն սկսել։ Նրանք կհասնեն լուրջ ձեռքբերումների», – ասաց Հովհաննիսյանը։
Նա ավելացրեց, որ 2018 թ.–ին Երկրագունդը հիմնականում կղեկավարի Լուսինը։
«Լուսինը կատարում է մոր դաստիարակչական դեր, նա ամեն ինչ պահում է խիստ վերահսկողության տակ։ Իհարկե, կլինեն դժվարություններ` կապված մարդկանց փոխհարաբերությունների հետ, սակայն արդյունքում կհաղթի բարին», – ասաց Հովհաննիսյանը։
Նրա խոսքով, մարդկանց համար սպառնալիքի աղբյուրը հիմնականում Ուրանն ու Մարսն են։–0–
Ծանոթացեք լուրերին առաջինն ու քննարկեք դրանք մեր Telegram-յան ալիքում