Ամերիկյան ռեստորանում «ուրվական են բռնացրել» (ՎԻԴԵՈ)

ԵՐԵՎԱՆ, 22 հոկտեմբերի. /Նովոստի–Արմենիա/. ԱՄՆ Կալիֆոռնիա նահանգի Վենտուրա քաղաքում գտնվող Cronies մարզական բարի աշխատակիցները հայտարարել են, որ իրենց հաստատությունում ուրվական է ապրում։

Տեսանյութը հրապարակվել է հոկտեմբերի 20–ին ViralHog–ի YouTube–յան ալիքում։ Տեսանյութում երևում է, թե ինչպես է գիշերը դատարկ ռեստորանում հանկարծ գետնին ընկնում հաստատության աթոռներից մեկը։ Երկրորդ տեսանյութում երևում է, թե ինչպես է լեփ–լեցուն բարում տեղաշարժվում աթոռներից մեկը, ընդ որում պարզ երևում է, թե ներկաներից ոչ ոք աթոռին չի դիպչել։–0–