ԵՐԵՎԱՆ, 11 հունվարի. /Նովոստի–Արմենիա/. Ստեփանակերտի «Աղ ու հացով» ՈւՀԱ–ի թիմը մասնակցում է Սոչիում հունվարի 10–23–ն անցկացվող «ԿիՎիՆ–2017» 28–րդ միջազգային փառատոնին։
Այս կապակցությամբ ադրբեջանական ԶԼՄ–ները սկսել են ակտիվ տեղեկատվական քարոզարշավ։ Մասնավորապես նախօրեին նրանք գրել են, որ Ադրբեջանի նկատմամբ հերթական սադրանք է հրահրվել։ «Միլիոնավոր մարդկանց կողմից սիրված ՈՒՀԱ–ն հայ անջատողականների ջանքերի շնորհիվ կրկին դառնում է քաղաքական սադրանքի տարր», – գրել են հոդվածի հեղինակները։
Իրավիճակը «Նովոստի–Արմենիա» գործակալությանը մեկնաբանեց թիմի ներկայացուցիչ Գեորգի Ավետիսյանը։
«Սա մեր թիմի արդեն երրորդ փառատոնն է։ Հույս ունենք, որ լավ ելույթ կունենանք և կհայտնվենք ավելի բարձր լիգայում (հեռուստատեսային)», – նշեց Ավետիսյանը։
Անդրադառնալով Բաքվի արձագանքին` նա նշեց, որ սա առաջին նման դեպքը չէ։
«Մենք քաղաքականությունից դուրս ենք։ Եվ ընդհանրապետ, ՈւՀԱ–ն քաղաքականությունից դուրս է։ Այնպես որ մենք չենք արձագանքում նմանատիպ հայտարարություններին։ Հուսով ենք հաջող ելույթ ունենալ, ինչը թույլ կտա հասկանալ, թե որ լիգայում ենք հանդես գալու», – նշեց Ավետիսյանը։–0–
Ծանոթացեք լուրերին առաջինն ու քննարկեք դրանք մեր Telegram-յան ալիքում