Սիրունիկ Ջուլիա Ռոբերտսը փորձել է հայտնի հայուհու կերպարը (ՎԻԴԵՈ)
11:09
03 Դեկտեմբերի 2018
ԵՐԵՎԱՆ, 3 դեկտեմբերի. /Նովոստի–Արմենիա/. Աշխարհահռչակ ամերիկացի դերասանուհի Ջուլիա Ռոբերտսը փորձել է հայտնի հայուհու կերպարը Էլեն Դեջեներսի հեռուստաշոուի ժամանակ։
Ջուլիան վերջերս էջ է բացել Instagram–ում, և Էլենը որոշել է օգնել նրան ունենալ ավելի շատ բաժանորդներ, ինչի համար առաջարկել է փորձել նոր կերպար։
Դեջեներսը Ռոբերտսին հարցրել է, թե արդյոք աստղը ծանո՞թ է Քիմ Քարդաշյանի հետ, ինչից հետո բեմ են դուրս բերել խալաթ և հատուկ սիլիկոնային կրծքեր` հագցնելով այդ ամենը Ռոբերտսի վրա։
Դրանից հետո Դեջեներսն առաջարկել է Ռոբերտիսն լուսանկարվել ուտելիքի հետ և ստուդիա են հրավիրել Մարտա Ստյուարտին` թխվածքով։ Ստյուարտն ամերիկացի գործարար է, հեռուստահաղորդավարուհի և գրող, ով հարստացել է ու հայտնի դարձել տնային տնտեսություն վարելու խորհուրդների շնորհիվ։
Բեմում հանկարծակի հայտնվել է դերասան Դերմոտ Մալրունին, ով Ռոբերտսի հետ խաղացել է «Լավագույն ընկերոջ հարսանիքը» և «Վերադարձ տուն» ֆիլմերում։
Շոուի ընթացքում ինչպես հաղորդավարուհին, այնպես էլ հրավիրված հյուրերը լուսանկարվել են նոր կերպարով հանդես եկած Ռոբերտսի հետ, ով շատ նման էր Քիմ Քարդաշյանի կերպարին։–0–
Արցախի նախկին պետնախարար, հասարակական–քաղաքական գործիչ, բարերար Ռուբեն Վարդանյանը ներկայացվել է 2024 թ. Խաղաղության Նոբելյան մրցանակի՝ իր բարեգործական և մարդասիրական գործունեության համար