ԵՐԵՎԱՆ, 5 սեպտեմբերի. /Նովոստի–Արմենիա/. Aspark ճապոնական ընկերությունը նախատեսում է առաջիկայում ներկայացնել աշխարհի ամենաարագ ավտոմեքենան։
Արտադրողը, որի մասին ավելի վաղ ոչինչ հայտնի չի եղել, նշում է, որ մեքենան կարող է հասնել 100 կմ/ժ–ի ավելի քիչ, քան 2 վայրկյանում, հաղորդում է motor.ru–ն։
Նորույթի մասին քիչ բան է հայտնի։ Այն կլինի ածխածնային հիմքով hypercar` «Owl» անունով, որը մշակվում է 2014 թ.–ից։ Մեքենայի բարձրությունը 990 միլիմետր է։ Մեքենայի անիվները պատրաստված կլինեն մագնիումային ձուլվածքից։
Այժմ աշխարհում ամենաարագ սերիական ավտոմեքենաներից մեկը Dodge Challenger SRT Demon–ն է, որը 0-100կմ/ժ արագությունը զարգացնում է 2.3 վայրկյանում։ Չինական Nio EP9 էլեկտրամեքենային պահանջվում է 2,7 վայրկյան, Lucid Air էլեկտրամեքենային` 2,5 վայրկյան։ Միաժամանակ նրա առավելագույն արագությունը հասնում է 380 կմ/ժ–ի։
Նշվում է, որ Aspark արագընթացի շնորհանդեսը տեղի կունենա սեպտեմբերի 12–ին Ֆրանկֆուրտում նախատեսված մոտոշոուի ժամանակ։–0–