ԵՐԵՎԱՆ, 2 հոկտեմբերի. /Նովոստի Արմենիա/. Հայտնի ռուսաստանաբնակ շոումեն և հաղորդավար Գարիկ Մարտիրոսյանը կազմակերպել է սպորտային ֆլեշմոբ։
Загружается новость ... "Лево"
«Քանի որ արդեն աշուն է, ապա շատերի համար անհնար է դարձել փողոցում սպորտով զբաղվել, վազել այգում կամ պուրակում։ Այդ իսկ պատճառով խոստանում եմ մինչ հունիսի 1–ը, մինչ շոգերն, պահել դժվարագույն պլանկա օրական 20 անգամ 2 րոպե տևողությամբ», – հայտարարել է Մարտիրոսյանը։
Նա իր Instagram–ում տեսանյութ է հրապարակել, որտեղ պլանկա է պահում և կոչ է անում իր բոլոր ընկերներին իրենից օրինակ վերցնել։
«Այս մրցահրավերը նետում եմ իմ բոլոր ընկերներին։ Այս պլանկան ավելի օգտակար է Գարիկ «Բուլդոգ» Խարլամովին և Դեմիս Կարիբիդիսին։ Առո′ղջ եղեք, զբաղվե′ք սպորտով», – գրել է նա։
Մարտիրոսյանի հրապարակած տեսանյութը մեկ օրում դիտել է ավելի քան 253 հազար մարդ։ –0–