ԵՐԵՎԱՆ, 22 փետրվարի. /Նովոստի–Արմենիա/. Եվրոպան ենթարկվում է «սիբիրական հարձակման»։
«Առաջիկա օրերին Եվրոպայում սպասվող սաստիկ սառնամանիքները Եվրոպացի օդերևութաբանները անվանել են «Սիբիրական հարձակում Եվրոպայի վրա»: Ներկայացված անիմացիայում հստակ երևում է արկտիկական ցուրտ օդային հոսանքների ներխուժումը Եվրոպայի տարածք», – Facebook–յան իր էջում գրել է Հայպետհիդրոմետկենտրոնի օդերևութաբանական կանխատեսումների բաժնի պետ Գագիկ Սուրենյանը` հրապարակելով տեսանյութ։
Загружается новость ... "Лево"
Ավելի վաղ Գագիկ Սուրենյանը հայտնել էր, որ Հայաստանը այս անգամ նույնպես դուրս է մնում ցուրտ օդային հոսանքների ներխուժման գոտուց։
«Մեզ մոտ ճիշտ հակառակ երևույթն է տեղի ունենում, հարավ-արևմուտքից ակտիվանում են արևադարձային տաք օդային հոսանքները, ինչի արդյունքում մինչև փետրվարի 25-ը օդի ջերմաստիճանը երեկվա համեմատ աստիճանաբար բարձրանալու է 5-6 աստիճանով», – գրել է նա։–0–