Nestle–ն 40%–ով կպակասեցնի շոկոլադի քաղցրությունը, բայց համային որակները չեն փոխվի

ԵՐԵՎԱՆ, 1 դեկտեմբերի./Նովոստի–Արմենիա/. Շվեյցարական Nestle ընկերությունը գտել է իր շոկոլադում շաքարի պարունակությունը նվազեցնելու ձևը։ Այս մասին հայտնում է ընկերության մամուլի ծառայությունը։

Nestle–ի մասնագետները հայտնաբերել են քաշարի կառուցվածքը փոխելու այնպիսի եղանակ, որը թույլ կտա կրճատել դրա քանակն ընկերության արտադրանքում մոտ 40 տոկոսով։

Հատկանշականն այն է, որ, ինչպես հայտնում են ընկերության մասնագետները, համային որակները կմնան անփոփոխ։

Ընկերությունում մտադիր են նորամուծությունը ներդնել 2018 թվականից։ Իսկ այս պահին Nestle–ն զբաղվում է իր տեխնոլոգիայի պատենտի ստացման հարցով։

Nestle–ն հիմնվել է 1866 թվականին և այժմ սննթամթերքի` աշխարհում խոշորագույն արտադրողն է։ Ընկերության ապրանքանիշներից են` Nescafe–ն, KitKat–ը, Nuts–ը, After Eight–ը։ -0-