Գիտնականները մշակել են սարք, որը օդից խմելու ջուր է հավաքում

ԵՐԵՎԱՆ, 16 ապրիլի. /Նովոստի-Արմենիա/. Մասաչուսեթսի տեխնոլոգիական ինստիտուտի գիտնականները մշակել են սարք, որը թույլ է տալիս շրջակա օդից մաքուր ջուր ստանալ: Ինչպես հայտնում է gazeta.ru-ն, սարքին նվիրված հոդվածը հրապարակվել է Science ամսագրում:

Սարքն ընդունակ է ջուր տալ օդի 20 տոկոս և ավել հարաբերական խոնավության դեպքում, իսկ աշխատանքի համար այն օգտագործում է արևի լույսը: Սարքի հիմքում ընկած է փոշու կարգավիճակի մանրեցված մետաղաօրգանական շրջանակային կառուցվածքների կիրառումը, որոնք մշակվել են Կալիֆորնիայի Բերկլի համալսարանում: