536.23
7.42
481.57
+14
Եղանակը Երևանում
Հայ

Սասուն Միքայելյանը թավշյա հեղափոխությունն արցախյան պատերազմից ավելի կարևոր է համարում. սոցցանցերը տարակուսած են (ՎԻԴԵՈ)

21:24
26 Նոյեմբերի 2018
ԵՐԵՎԱՆ, 26 նոյեմբերի./Նովոստի–Արմենիա/. «Ելք» խմբակցության պատգամավոր Սասուն Միքայելյանը երկուշաբթի մասնակցեց Նիկոլ Փաշինյանի գլխավորած «Իմ քայլը» դաշինքի նախընտրական հանրահավաքին Թալին քաղաքում։

Իր խոսքում նա ասաց, որ Հայաստանում թավշյա հեղափոխության հաղթանակն ավելի կարևոր է, քան Արցախյան ազատագրական պատերազմը։

Նրա խոսքերը ջուրը նետած քարի էֆեկտ ունեցան։ Սոցցանցերի և փորձագետների արձագանքը չուշացավ։


Իսկ ի՞նչ ասաց Միքայելյանը

«Մի քանի ամիս առաջ մենք կարողացանք հասնել այն գագաթնակետին, որն անհնարին էր նախորդ իշխանությունների օրոք, – ասաց նա Հայաստանում ապրիլ–մայիսին տեղի ունեցած իշխանափոխության մասին։ – Մենք հաղթեցինք արցախյան պատերազմում, բայց այս հաղթանակը, որ մեր հայրապետությունում կրեց հայ ժողովուրդը, ավելի կարևոր էր, քան արցախյան ազատամարտը»,– ասաց նա։

Միաժամանակ Միքայելյանը, ով անձամբ մասնակցել է արցախյան ազատագրական պատերազմին, հայտարարեց, որ ժողովուրդն այդպես էլ չհասկացավ, թե հանուն ինչի մարդիկ գլուխները դրեցին զոհասեղանին։

Իսկ Փաշինյանը գիտի՞

Սոցցանցի օգտատերերի մի մասն այս հայտարարությունն ընկալեց որպես վարչապետի պաշտոնակատար Նիկոլ Փաշինյանի ղեկավարած քաղաքական իշխող ուժի պաշտոնական դիրքորոշումն արցախյան կարգավորման շուրջ։

Նրանց կարծիքով, լինելով Փաշինյանի համախոհը, Միքայելյանը պատահական չի ասել այս արտահայտությունը, այլ ղարաբաղյան հարցում և լուրջ զիջումների գնալու հարցում Հայաստանի հասարակության տրամադրությունները վերլուծելու համար։

Այսպես, «Կյանք ու կռիվ» ֆիլմի հեղինակ Մհեր Մկրտչյանը Facebook–ի իր էջում գրել է, որ այդ հայտարարությամբ Միքայելյանն արժեզրկել է այն ամբողջ հայրենասիրական քարոզը, որի վրա տարիներ են ծախսել հայոց մշակույթի գործիչները։

«Փաստորեն ես լրիվ անիմաստ եմ նկարել «Կյանք ու կռիվ»-ը»,– գրել է Մկրտչյանը։
Նրա խոսքով, «դըմփ-դըմփ հու»-ն ավելի արժեքավոր է, քան զոհված հերոսների արած գործը:

Հակահեղափոխականներ, լռե′ք

Քաղաքական գիտությունների թեկնածու, դոցենտ, քաղաքագետ Անժելա Էլիբոգովան իր էջում գրել է, որ այժմ «Իմ քայլը» դաշինքի ներկայացուցիչները կսկսեն արդարացնել Միքայելյանին, ասելով, որ նա միանգամայն այլ բան նկատի ուներ։

«Եթե այժմ ինչ–որ մեկը քննադատի այս հիմարությունը, ավտոմատ կերպով նախկին «առնետների» հետ մի շարքում կհայտնվի։ Կամ էլ նրանք կհայտարարեն, որ խոսքերի իմաստը խեղաթյուրել են հակահեղափոխականները, և Սասունն ընդհանրապես այլ բան է նկատի ունեցել»,– գրել է նա։

Հնչեցին նաև կարծիքներ, որ այս հայտարարությունը տեխնիկական թյուրիմացություն է։ Սոցցանցերի որոշ օգտատերերի խոսքով, պատգամավորի բարձր զգացականության ֆոնին սխալմունք է ստացվել, և նա որևէ կոնկրետ արտահայտություն չի ցանկացել անել։
Վեց ամիս առաջ նմանատիպ խոսքը վրդովմունք կառաջացներ

Հայաստանի հանրապետական կուսակցության փոխնախագահ Արմեն Աշոտյանը մամուլի ասուլիսում մեկնաբանեց Միքայելյանի խոսքը և հայտարարեց, որ մի քանի ամիս առաջ նմանատիպ հայտարարությունները բուռն վրդովմունք կառաջացնեին հասարակությունում։

«Մեր երկիրը կանգնած է բազմաթիվ սպառնալիքների առջև, քանի որ այսօր նախընտրական քարոզարշավի ընթացքում մեր քաղաքական թիվ մեկ մրցակիցը թույլ է տվել այսպիսի գնահատականներ Արցախի մասին, որոնք դեռ վեց ամիս առաջ կարող էին պարզապես վրդովեցնող լինել»,– ասաց նա։

«Անակնկալների փառատոնի» մեկնարկը

Երևանի ավագանու խորհրդում «Բարգավաճ Հայաստան» խմբակցության ղեկավար Արման Աբովյանը Facebook–ի իր էջում նշել է, որ Միքայելյանի հայտարարությունը մեկնարկ տվեց նախընտրական քարոզարշավի «անակնկալների փառատոնին»։

Загружается новость ... "Лево"

«Բնավ նպատակ չունեմ վերլուծել բոլոր վիճահարույց մտքերը, որոնք արդեն իսկ արտահայտվում են , այսպես կոչված "քաղաքաքան" գործիչների կողմից, սակայն...սակայն հարկ եմ համարում ընդգծել մի փաստ։ Անցկացնել համեմատականներ Արցախյան գոյամարտի հաղթանակի միջև և հայաստանյան ՅՈՒՐԱՔԱՆՉՅՈՒՐ ներքաղաքական ընթացքների հետ ոչ միայն սխալ է կամ անթույլատրելի, այլ նաև բարոյականությունից դուրս է»,– գրել է նա։

Աբովյանը միաժամանակ ավելացրել է, որ անցած ճանապարհը չի կարող լինել ինդուլգենցիա ոչ նախորդների համար, ոչ էլ՝ ներկաների։

«Հասանք տեղ»

Միքայելյանի հայտարարությանն արձագանքեցին նաև Արցախում։ Արցախի նախկին օմբուդսմեն Ռուբեն Մելիքյանը Facebook–ի իր էջում հրապարակել է պատգամավորի ելույթը` նշելով. «Հասանք տեղ»։

Նախընտրական քարոզարշավը Հայաստանում մեկնարկել է երկուշաբթի` նոյեմբերի 26–ին, երկրի խորհրդարանական ընտրություններից առաջ։ ԱԺ ընտրությունները կկայանան դեկտեմբերի 9–ին։ -0-

Թեմատիկ նյութեր
Բաժնի այլ նյութեր
19:00
25 Ապրիլի 2019
Փաշինյանի պատասխանն Էրդողանին. այդ հայտարարությունը ծայրահեղ վիրավորանք է հայ ժողովրդի և մարդկության համար. աշխարհը չպետք է լռի
Աշխարհասփյուռ հայության համար ապրիլի 24–ն Օսմանյան կայսրությունում իրականացված Հայոց ցեղասպանության զոհերի հիշատակի օրն է։
12:46
24 Ապրիլի 2019
Հայոց ցեղասպանության միջազգային ճանաչումն անհրաժեշտ է ամբողջ աշխարհին. Մարության
Հայոց ցեղասպանության, ինչպես նաև բոլոր այլ ցեղասպանությունների միջազգային ճանաչումն առաջին հերթին անհրաժեշտ է ամբողջ աշխարհին:
11:52
24 Ապրիլի 2019
ԱՄՆ-ն չի ժխտում 1915 թ.-ի պատմական իրադարձությունները. դեսպան
Հիշեցնենք, որ ԱՄՆ իշխանությունները պաշտոնապես չեն ճանաչել 1915 թ.-ի իրադարձությունները որպես Ցեղասանություն:
21:32
23 Ապրիլի 2019
«Ես բոլորի հետ եմ այդպես շփվում». Փաշինյանը Պուտինի հետ հարաբերություններ կառուցելու խորհուրդներ է տվել Զելենսկուն
«Ես բոլորի հետ եմ այդպես շփվում». Փաշինյանը Պուտինի հետ հարաբերություններ կառուցելու խորհուրդներ է տվել Զելենսկուն:
16:33
19 Ապրիլի 2019
Սամվել Բաբայանը մեկնաբանել է Արցախի նախագահական ընտրություններին մասնակցելու հարցը
Նա նաև հայտարարեց, որ կարող է «օգտակար լինի իր ժողովրդին» և եկել է «օգնության ձեռք մեկնելու»:
14:08
19 Ապրիլի 2019
Փաշինյանը և Պուտինը կհանդիպեն Ղազախստանում
Հոկտեմբերի 1-ին «նման միջոցառում կանցկացվի Երևանում» և պետությունների ղեկավարները հնարավորություն կունենան ևս մեկ անգամ հանդիպել:
12:14
16 Ապրիլի 2019
ԱԳ նախարարն աշխատանքային այցով մեկնել է Փարիզ
Հայաստանի արտգործնախարար Զոհրաբ Մնացականյանն աշխատանքային այցով մեկնել է Փարիզ։
22:17
11 Ապրիլի 2019
Փաշինյանը նշեց Եվրոպայի խորհրդի դերը Հայաստանի ներքաղաքական գործընթացներում (ՎԻԴԵՈ)
Հայաստանում Եվրոպայի խորհրդի կողմից անցկացվող ծրագիրը նպաստում է երկրի ժողովրդավարական բարեփոխումներին։
17:41
10 Ապրիլի 2019
Իտալիայի Պատգամավորների պալատը քննարկել է Հայոց ցեղասպանության ճանաչման հարցը
Ըստ նախաձեռնության, երկրի կառավարությունը պարտավորվելու է պաշտոնապես ճանաչել Հայոց ցեղասպանությունը և տալ միջազգային գնահատական:
15:35
03 Ապրիլի 2019
Քաղտեխնոլոգը պարզաբանել է` ինչու Հայաստանի և Ադրբեջանի ժողովուրդներին անհնար է պատրաստել խաղաղության (ՎԻԴԵՈ)
Քաղտեխնոլոգը պարզաբանել է` ինչու Հայաստանի և Ադրբեջանի ժողովուրդներին անհնար է պատրաստել խաղաղության:
18:03
02 Ապրիլի 2019
Հայաստանի և Արցախի նախագահները գործակցության հարցեր են քննարկել
Արցախի նախագահ Բակո Սահակյանը հանդիպել է նախօրեին Արցախ ժամանած ՀՀ նախագահ Արմեն Սարգսյանի հետ։
19:04
01 Ապրիլի 2019
Փաշինյան–Ալիև հանդիպումը կարևոր էր, բայց ոչ դարակազմիկ. հայ պատգամավորներ
Փաշինյանը և Ալիևը հանդիպել են Վիեննայում մարտի 29–ին։